Yahya 6:45 - Alkitab Duri

⁴⁵ Den diuki' lan sura'na nabi kumua, ‘La napaggurui Puang Allataala sininna joo tau.’ Iamo joo ia to tompesa'dingngi Ambe', la ratu lako Aku'.

Yahya 6:45 Referans Kwoze

Ibrani 10:16

“Iamo tee basse la kupaden sola tuu lako tau, to wattu la dioloi lako. La kupallan penawanna to atoran-Ku', na kuuki'i lan pikkirisanna.” Susimi joo kadan-Na Puang.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.

Yahya 6:65

Nakua Puang Isa, “Iamo joo mangkamo kamu' kukuan, ‘Moi mesa' tau te'da nakullei ratu lako Aku', ke te'da napuelohhi Ambe'-Ku'.’ ”

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Lukas 1:70

Susi to pura napau Puang Allataala tonna anu', napatarruhhi nabin-Na to pura napilei kumua,

Markus 1:2

Susi to nauki' Nabi Yesaya tonna anu' kumua, “Mangkadai Puang Allataala, ‘Iamo tee pesuang-Ku', to kusua la njoloanko anna pemakassingngii to lalan la muola.’

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Jamanna Rasulu' 7:42

Jaji napemboko'imi Puang Allataala napupangngelohna bangngi ssompa bintuin jao langi' susi to diuki' lan sura' nabi kumua, ‘Ee to-Israel! Denmoraka mipangkaroban karoba panggere' sola karoba laen lako Aku' lan joo patang pulo taun masainna jio padang pallawangan?

Jamanna Rasulu' 13:40

Iamo joo la mangpesa'ding melo kamu', danggi' najaji lako kalemi to apa dipau lan sura'na nabi nakua,

Filipi 3:15

Ia tomasaranianmo la mangpikkiri' susiki' joo. Apa ia ke den kamu' mangpikkiri' laen, na Puang Allataalamora mpamanassai joo lako kalemi.

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.