Yahya 6:42 - Alkitab Duri

⁴² Pada nakuamo, “Ah, Iamo Puang Isa to anakkana Yusuf. Kiissen to tomatuan-Na! Matumbai nawa'ding kumua, ‘Mellaona' jao mai suruga?’ ”

Yahya 6:42 Referans Kwoze

Lukas 4:22

Liwa' makassing to kadan-Na. Iamo joo nasijangngaran to tossa'dingngi napujii, anna mangkada nakua, “Umbo nakua anna gaja allusu' to apa napau!” Apa mangkai joo nakua omo, “Tanganakkanaraka Ia Yusuf!”

Markus 6:3

Tangpande bolaraka Ia, na anakkana Maryam? Na ia to sile'tona iamo to Yakub, Yoses, Yudas na Simon. Na torro lan too ntee kotata' to sile'to-Na baine.” Iamo joo nacia' tuu lako tau ntarimai to Puang Isa.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

1 Korintus 15:47

Ia to pamula Adam digaraga jio mai litak, na ia to cappa' Adam pole jao mai suruga.

Yahya 6:62

Na umbomo susi jajinna ke mikitana' Aku', Anak Mentolino, endek pole' de' ngenan jolo-Ku'!

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

Yahya 1:45

Malemi Filipus ntiro solana disanga Natanael napauanni kumua, “Siampa'mokan Raja Mangpasalama' to nauki' Nabi Musa sola sininna nabi laen lan sura'na tonna anu'. Iamo to disanga Puang Isa to-Nazaret anakkana Yusuf.”

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 6:43

Nakua Puang Isa ngkuanni, “Danggi' misipangnuku-nukuan.