Yahya 6:37 - Alkitab Duri

³⁷ Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 6:37 Referans Kwoze

Matius 11:28

Ee kamu', tomasussa penawa sola totangmasannang, nasaba' atoran masussa to nakabua' guru agama. Malemo kamu' mai, angkupemasannangngi kamu'.

Yahya 6:39

Iamo tee pakkaeloran-Na to Ambe' to kumua sininna to tau nabenmo', moi mesa' te'da nalamasolang, apa la kupatuo pole' ke Kiama'mi lino.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”

1 Timotius 1:16

Apa sitonganna iamora joo nakamaseina' Puang Allataala, dikua napapajanni Puang Isa Almaseh to kasabbarasan-Na lako aku' tee toliwa' buda dosana. Napugaukki Puang Isa susi joo anna buda tau la ngkitai to kasabbarasan-Na lako tomadosa na memmatappa' lako kale-Na na nnampa' katuoan melo te'da cappa'na.

Yahya 6:65

Nakua Puang Isa, “Iamo joo mangkamo kamu' kukuan, ‘Moi mesa' tau te'da nakullei ratu lako Aku', ke te'da napuelohhi Ambe'-Ku'.’ ”

Roma 5:20

Ia to atoranna Nabi Musa nabenni Puang Allataala, dikua namanassa kumua madosa to tolino. Sanapengkulleinna tolino nturu'i to atoran, sabuda-budanna to dosa napugauk. Apa moi sabuda-budanna dosana to tolino, samelo-melona penawan-Na Puang Allataala lako tolino.

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Filipi 1:29

Ia to barakka' mangka diben kamu', tangngia manda to matappa' lako Almaseh, apa ia toomo to dikua la maparri' kamu' sanga Almaseh.

Yahya 17:11

Na ia tee too la polemo' lako Ambe'. Te'damo kulatorro lan lino, apa lan unapi lino tuu lako taun-Ta'. Oo, Ambe' mala'bih! Kuasan-Ta', to mangka tabenna', nnampaii tuu lako taun-Ta', na memmesa' susi Ambe' na Aku'.

Yahya 9:34

Mebalimi to pekaamberan to-Yahudi nakua, “Apa iko! Iko tuu ponno dosa simula jajimmu, na iko pole' la nnajahhikan!” Mammula joo wattu te'dami nadieloran mentama bola passambajangan.