Yahya 6:27 - Alkitab Duri

²⁷ Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Yahya 6:27 Referans Kwoze

Kolose 3:2

Battuananna, ia to penawammi la mipatuju lakoi to la miampa' jao suruga, danggi' na apa lan lino mipikkiri'.

Yahya 6:54

Ia to tongkande batang kale-Ku' sola tonniso' rara-Ku', iamo to nnampui katuoan melo te'da cappa'na na la kupatuo pole' ke Kiama'mi lino.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”

Yahya 6:40

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

Roma 6:23

Kamateanra to buanna dosa, apa katuoan melo te'da cappa'na nabenki' Puang Allataala, nasaba' memmesa'miki' sola Puangta' Puang Isa Almaseh.

Yahya 10:28

Angkubenni katuoan melo te'da cappa'na, na te'da tarruhmo namasolang. Moi mesa' tau te'da ngkullei rrampai jio mai Aku'.

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Matius 6:19

Mangngajahhimi Puang Isa nakua, “Danggi' murempunan kalemu ewanan lan lino, to wa'ding nakande ane, ta'garan, ba'tu naboko tau.

Yahya 6:58

Mangkamo nakande tojolomi to kande disanga manna, namate unai. Apa ia to tongkandei tee kande kubenni, te'damo nalamate, apa la tuo tarruhmo, sanga Aku'mo tee to kande mellao jao mai suruga.”

2 Petrus 1:17

Nasaba' ia tonna lan unapa lino Puang Isa, den pissen kisola jao buntu, angkikitai to kamala'biran-Na sola kamatongkoan-Na to nabenni Ambe' Puang Allataala. Ia joo wattu den gamaran-Na Tomakuasa kisa'ding kumua, “Iamo tee to Anak kupakamoja' to mpamasannangna'.”

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.

1 Petrus 1:24

Den diuki' lan Sura' Allataala kumua, “Sininna tolino susiri reu na sininna kamala'biranna susi bangri ca'bi reu. Malajui to reu, lolloh todami to ca'binna.

Lukas 3:22

namellao to Roh Allataala jao mai mangrupa jangan-jangan nta'paii. Namane' den gamaran-Na Puang Allataala disa'ding nakua, “Ikomo Anak-Ku' to kupakamoja', to mpamasannangna'.”

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Yahya 3:33

Ia to tontarimai joo kadan-Na Puang Isa, naakui kumua tongan to kadan-Na Puang Allataala,

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Lukas 9:35

Denmi gamara nasa'ding lan mai saleu' nakua, “Iamo tee to Anak kupilei. Pesa'dingngii!”

Ibrani 12:16

Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Kolose 2:22

Te'da napumeloi tau joo atoran, nasaba' panggaraga tolinora, na la dicappu'i dikande ba'tu diiso' joo apa dianggai.

1 Korintus 9:2

Ia ke cia'i to tolaen nnakuina' kumua mesa'na' rasulu', kamu'mo nnakuina'! Kamatapparanmimo lako Almaseh buttinna kumua rasulu'na'.

1 Korintus 6:13

Den too tomangkada kumua, ia to kinande nandena ba'tang, na ia to ba'tang dipasadian nande. Apa pada la nalanynyasanni Puang Allataala. Ia to batang kale te'da nadipaden la manggauk sala, apa dipadenri la ssompa Puang, na Iamora ngkuasaii to batang kale.

Roma 4:11

Mangkamira joo, namane' disunna'. Ia to kadisunnatanna tandana kumua ia to Nabi Ibrahim napupenjaji tomeloi Puang Allataala, nasaba' matappa'i, moi na te'dapa napugaukki to atoran sunna'. Iamo joo na ia to Nabi Ibrahim menjaji ambe'na sininna tomatappa', to dipupenjaji tomelo, moiraka na te'da nadisunna'.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 11:42

Kuissen kumua tuli mipesa'dingngina', apa iara kumangkada susi tee, kukua anna matappa' tee tobuda inde' kusolan, kumua Ambe' tonganmo to ssuana'.”

Yahya 8:18

Na dua ia to sa'bing-Ku', Aku' sola Ambe' to ssuana'.”

Markus 9:7

Ia joo wattu ratumi to saleu' mbombonnii sola ngasan, na den gamara nasa'ding lan mai saleu' nakua, “Iamo tee to Anak kupakamoja'. Pesa'dingngii.”

Markus 1:11

Nadisa'ding to gamaran-Na Puang Allataala nakua, “Ikomo Anak-Ku' to kupakamoja', to mpamasannangna'.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Yakub 1:11

Ianna maka'jamo to allo, malajumi to reu nasilolloran to ca'binna, ta'de toomi to ballona. Susi toomi lako tosugih, ia joo wattu mangngangah bang unai nata'pa mate.

2 Korintus 4:18

Te'da na ia kipikkiri' to apa nakita mata to cingga'tu'ra, apa iara to tangnakita mata to te'da cappa'na.

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Kada Bulawan 9:5

“Male kamu' mai ngkande rotingku' sola nniso' anggoro' to kupasadia.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Yahya 3:15

anna ia to tomatappa' lako Aku', la nnampa' katuoan melo te'da cappa'na.

Yahya 6:47

La miingaran tee kadang-Ku' kumua, ia to tomatappa' nnampuimo katuoan melo te'da cappa'na.

Yahya 6:53

Iamo joo nakua Puang Isa ngkuanni, “La mikatappa'i kumua, ia ke te'da mikandei to batang kale-Ku' na te'da miiso'i to rara-Ku' Aku', Anak Mentolino, te'da miampui katuoan tongan.

Yahya 6:62

Na umbomo susi jajinna ke mikitana' Aku', Anak Mentolino, endek pole' de' ngenan jolo-Ku'!