Yahya 5:24 - Alkitab Duri

²⁴ La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 5:24 Referans Kwoze

Yahya 3:36

Na ia to tomatappa' lako Anak, la nnampa' katuoan melo te'da cappa'na. Apa ia to tote'da naturu'i to pakkaeloran-Na Anak, te'da nalannampa' katuoan melo, apa la nasessa tarruh Puang Allataala.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 6:40

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

Roma 8:1

Ia tee too te'damo nakannai pangcalla to tomemmesa'mo sola Puang Isa Almaseh,

Yahya 6:47

La miingaran tee kadang-Ku' kumua, ia to tomatappa' nnampuimo katuoan melo te'da cappa'na.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 11:26

Na ia to totuopa namatappa' lako Aku', te'da tarruhmo nalamate. Mukatappa'iraka joo?”

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

1 Tesalonika 5:9

Te'da napileiki' Puang Allataala la nasessa, apa la napasalama'ki' Puangta' Puang Isa Almaseh.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

Yahya 12:44

Nnandongngii gamaran-Na Puang Isa nakua, “Ia to tomatappa' lako Aku', tangngia Aku' manda nakatappa'i, apa matappa' tooi lako Puang Allataala to ssuana'.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Yahya 4:36

Ia to tomepare mangpamulami ntarima bassena anna wa'ding pada masannang to tomantanan sola to tomepare. Ia to apa napeparei, iamo to tontarima katuoan melo te'da cappa'na.

Yahya 6:50

Apa te'da nasusi joo to kande mellao jao mai suruga. Ia to tongkandei joo kande, te'damo nalamate.

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Yahya 6:58

Mangkamo nakande tojolomi to kande disanga manna, namate unai. Apa ia to tongkandei tee kande kubenni, te'damo nalamate, apa la tuo tarruhmo, sanga Aku'mo tee to kande mellao jao mai suruga.”