Yahya 5:19 - Alkitab Duri

¹⁹ Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Yahya 5:19 Referans Kwoze

Yahya 12:49

Nasaba' tangngia pakkaeloran-Ku' kumangkada, apa ia to kupau, iamo to naparentanna' Ambe' to ssuana'.

Yahya 8:28

Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

Yahya 14:10

Te'daraka mumatappa' kumua Aku' memmesa' sola Ambe', na Ambe' memmesa' sola Aku'? Ia to apa kupauan kamu', te'da na Aku' bangra mpaui. Apa Ambe' to da'tan memmesa' sola Aku', Iamo mpugauk ngasanni to apa kupugauk.

Yahya 10:18

Moi mesa' tau te'da nakullei nnalai sunga'-Ku' ke te'da kupuelohhi. Makuasana' mpangben sunga'-Ku', na makuasa toona' tuo pole'. Iamo tee to parenta kutarima jio mai Ambe'-Ku'.”

Roma 8:11

Ia to Roh Allataala mangka mpatuo Almaseh jio mai kamatean. Ia ke Roh Allataala tuo lan kalemi, Ia toomo la mpatuo kamu'.

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Kada Bulawan 2:6

nasaba' Puang Allataala mbenki' kamaccan, na pole jio mai kadan-Na to kapaissenan sola kamapahangan.

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

Kolose 1:16

Iamo napake Puang Allataala mpadenni to sininna apa lan lino na sininna apa jao suruga, ia to dikitanna na tangdikitanna, sininna kuasa ba'tu kaparentan jao langi'. Ia tee lino sola issinna dipaden mpake Almaseh na dipatuju lako too Almaseh.

Filipi 4:13

Kukulle to sininna apa, sanga Puang Isa Almaseh mbenna' kapakullean.

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

Efesus 3:16

Massambajangna' lako Puang Allataala, to kaminang mala'bih, anna pamawatang kamu' Roh Allataala.

Efesus 2:5

Iamo joo ia tontasusi unapa tomate natumang dosata', napatuo pole'miki' sola Almaseh. Napasalama'ki', nasaba' kameloan penawan-Na.

2 Korintus 4:14

Matappa'kan kumua Puang Allataala, to mangka mpatuo pole' Puang Isa, la mpatuo pole' todakan, sanga memmesa' penawamokan sola Puang Isa, antadipangngolo sola ngasan jio olo-Na.

1 Korintus 15:12

Ia ke kipangpeissenanmi kumua dipatuo pole'mi to Almaseh jio mai kamatean-Na, matumbai naden tau lan tangnga-tangngami kumua, te'damo naladipatuo pole' to tomate?

Jamanna Rasulu' 2:24

Apa napatuo pole'mi Puang Allataala jio mai kamatean. Nala'paranmo Puang Allataala, moi naamma'i kamatean, sanga te'da lalo nakullei to kamatean la ntaloi tarruhhi.

Yahya 2:19

Napebalii Puang Isa nakua, “Ro'pokanni tee Bola Puang Allataala, na tallung allora kunii mpake'deh pole'i.”

1 Tesalonika 4:14

Takatappa'i kumua mangka mate to Puang Isa apa tuo pole'i. Iamo joo la takatappa'i too kumua la napatuo pole' todai Puang Allataala to sininna tomatappa' to jolomo lako, anna tuo sola Puang Isa.

Kolose 1:11

natuli mpamawatang kamu' kuasa mala'bih-Na, ammisabbara' mimario bang moi maparri' kamu',

Matius 26:39

Malemi ba'tu pirang-pirang tengkan, nasuju' massambajang nakua, “Oo Ambe', ke wa'dingngi, lendokanni tee kamaparrisan jio mai kale-Ku', apa tangngia pakkaeloran-Ku' to la jaji, apa pakkaeloran-Na ia Ambe'.”

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Yahya 12:50

Na kuissen kumua ia joo parenta-Na mpangben katuoan melo te'da cappa'na. Ia to apa kupangpeissenan susi to napauanna' Ambe'.”