Yahya 4:38 - Alkitab Duri

³⁸ Kusua kamu' male mpeparei joo uma to tangmikabo'jo'i, tolaen mangjama jio, na kamu' ntarimai to assele'na.”

Yahya 4:38 Referans Kwoze

Yahya 1:7

Iamo menjaji sa'bi ratu mpangpeissenanni joo Arrang, anna kitai tobuda, namenjaji matappa'.

Jamanna Rasulu' 6:7

Susii joo laoanna nasatitaleh-talehna to kadan-Na Puang Allataala na sakerangngan-rangnganna too to tomatappa' lako Puang Isa jio kota Yerusalem. Na moi imang buda too memmatappa'.

Jamanna Rasulu' 5:14

Samasai-sainna sakerangngan-rangnganna to tomatappa' lako Puang la muane la baine.

Jamanna Rasulu' 4:4

Apa ia to mangka mpesa'dingngi pangngajahna rasulu', budai to matappa'. Kerangngan pole'mi to tomatappa' namenjaji agi-agi limang sa'bu muane.

Jamanna Rasulu' 4:32

Ia to tomatappa' mesa' penawa bang. Moi mesa' te'da ssangai kumua ia to apa naampui, apa mesanna. Padami to apa naampui, napuapai sola ngasan.

Jamanna Rasulu' 2:41

Buda tau ngkatappa'ii to pangngajahna Petrus anna dijio'. Kerangngan omi budanna to tomatappa' joo allo agi-agi tallung sa'bu.

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Yahya 4:37

Tongan tee sambenan kada to kumua, ‘Laen to tomantanan na laen to tomepare.’

Yahya 4:39

Buda to-Samaria lan joo kota memmatappa' lako Puang Isa, nasaba' kadanna joo baine kumua, “Napauan ngasanna' sininna to apa mangkamo kupugauk.”

Yahya 17:18

Susi Ambe' mangkamo ssuana' tama lino, susi toomi Aku' mangkamo ssuai tuu lako taun-Ta' male lako padanna rupa tau.

2 Korintus 10:15

Te'da kipujii to apa te'da nasipato' dipuji, na te'da too kipuji kaleki' mpaui kumua ia to assele' jamanna tau laen sitonganna assele'ki'. Sibalikanna kiparannuan kumua samatappa'-tappa'mimo lako Almaseh, ammisangkasiri'-siri'nakan, nasaba' jamanki' lan tangnga-tangngami situru' to napattantuanmokan Puang Allataala.