Yahya 4:24 - Alkitab Duri

²⁴ Kuasan-Na mandara Roh Allataala nawa'ding tau ssompa Puang Allataala situru' katonganan-Na, nasaba' Roh to Puang Allataala.”

Yahya 4:24 Referans Kwoze

2 Korintus 3:17

Na ia to disanga Puang ntee, iamo to Roh Allataala. Na ia to Roh Allataala lla'paranki' jio mai kuasa kamatean.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

1 Timotius 1:17

Rajai to Puang Allataala to mangparenta te'da cappa'na. Mesa'ri, tangkakitanan na te'da nataloii kamatean. Iamo joo, sipato' Ia dikasiri' na dipakala'bih te'da cappa'na! Amin.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Yahya 4:23

Apa nadete'mi wattunna, na wattunnamo tee too to kumua, pangpatuju pole jio mai Roh Allataala lako tau anna te'da nasala ke ssompai Ambe', sanga iamo to susi joo napumasannang.