Yahya 3:29 - Alkitab Duri

²⁹ Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Yahya 3:29 Referans Kwoze

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Pengkitanna Yahya 21:9

Mangkai joo too ratumi mesa' jio mai to pitu malaeka' ntoe isotan bulawan ponno cappa' pangsessa ngkuanna' nakua, “Maleko mai, kupakitanko tobotting baine-Na Anak Bembala'.”

Filipi 2:2

Iamo joo la'bih la mipemasannangngina', iamo to la sipahang melo kamu', la sipakamoja' kamu', la mesa' pattuju kamu',

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

1 Yahya 1:4

Kiuki'ii tee kikua antapada ngasan mario.

2 Korintus 11:2

Masussana' mpikkiri' kamu' susi masussanna Puang Allataala. Susi kamu' ana'dara, na aku'mo to nnatoro'i to kasitangkasanmi sola mesa' muane, iamo to Almaseh. Na madoangna' mbawa kamu' lako Almaseh susi mesa' baine to te'dapa nalambanni muane.

Lukas 15:6

Ia tommiratumo lako bola, mitambaimi to soba'mi na bali bolami ratu, mikuanni, ‘Male kamu' mai, tamangmaroah-roah, nasaba' kuampa'mi to bembala'ku' ta'de!’

Matius 25:1

Mangkada omi Puang Isa nakua, “Ia ke ratu pole'na' tee Aku', Anak Mentolino, wa'ding dipasangrapang tee curita sangpulo ana'dara mbawa palita male la ntammui tobotting muane.

2 Yahya 1:12

Gaja budapa to parallu la kupauan kamu', apa mbai la'bih melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.

Yahya 17:13

Na ia tee too la polemo' lako Ambe'. Kupau ngasanni tee tongkulan unapa lino, anna wa'ding liwa' masannang tuu lako taun-Ta' susi Aku' masannang.

Matius 22:2

“Ianna mangparentamo Puang Allataala susi Raja, dipasangrapang raja la mpabotting anakkana muane.

Yahya 3:30

Sipato' Ia la samajao-jaona, na aku' la samajiong-jiongna.”

Yahya 15:11

Kupauan ngasanmo kamu' tee, ammisamasannang-sannangna susi Aku'.