Yahya 3:26 - Alkitab Duri

²⁶ Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Yahya 3:26 Referans Kwoze

Yahya 1:7

Iamo menjaji sa'bi ratu mpangpeissenanni joo Arrang, anna kitai tobuda, namenjaji matappa'.

Yahya 12:19

Sipangkada-kadami to to-Farisi nakua, “Te'damo apa wa'ding tapugauk. Kita bangmi, sininna tau menturu' ngasanmi lako.”

Yahya 11:48

Na ia ke tapupangngelohna bangngi susi joo, la matappa' ngasan to tobuda lako kale-Na. Katampakanna, ratu to tomangparenta to-Roma rro'pokanni to Bola Puang Allataala sola ssa'buii bangsata'.”

Yahya 1:15

Ratui Nabi Yahya mpangpeissenanni joo Kada nakua, “Iamo joo to kupau kumua, ‘La den tau ratu ke mangkana', apa la'bih makuasa Ia na aku', nasaba' te'dapa kudijajian na den memanmi Ia.’ ”

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Matius 23:7

Namadoang bang ditaratte' jio pasa', namadoang too ditambai ‘Guru’.

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Yahya 4:1

Nasa'dingmi to-Farisi kumua la'bih buda tau najio' Puang Isa naturu'i, na ia tonturu' Nabi Yahya.

Yahya 4:2

Sitonganna te'da na Puang Isa njio' tau, apa anak gurun-Nari.

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”

Yahya 5:33

Na mangkamo kamu' ssua tau lako Nabi Yahya. Na tonganmo joo kadanna mpauna'.