Yahya 21:17 - Alkitab Duri

¹⁷ Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 21:17 Referans Kwoze

Yahya 13:38

Mebalii nakua, “Manassaraka kumua madoang tonganko mate mpangngewaina'? La muingaran tee kada kupauanko kumua, te'dapa nakekkua to manuk dau, mupentallunmo mpessakkannina'.”

Markus 14:72

Ia joo wattu kekkua penduanmi to manuk. Naingaranmi Petrus to apa mangka nakuanni Puang Isa kumua, “Te'dapa nakekkua penduan to manuk, mupentallunmo mpessakkannina'.” Ta'pa kumarrakmi Petrus nna'de-a'de.

Yahya 16:30

Mane' kiissenri kumua Kita' nnissenni to sininna apa. Taissen jolo to apa la nakutananki' tau. Iamo joo matappa'kan kumua topole jioki' mai Puang Allataala.”

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.

Efesus 4:30

Danggi' mipugaukki to apa ssussai Roh Allataala to torro lan kalemi. Ingaranni kumua ia to katorroan-Na lan kalemi, iamo buttinna kumua umma'-Namo kamu' Puang Allataala. Na Iamo la mikanassai kumua la napasalama' kamu' Puang Allataala jio mai pangsessa ke Kiama'mi lino.

Jamanna Rasulu' 15:8

Natarruh Puang Allataala to penawanna tau. Namangkamo napamanassa kumua natarimamo to bangsa tangngia to-Yahudi. Iamo napamanassa tonna benni Roh Allataala susi to mangka nabenki'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

2 Petrus 3:1

Ee, tomala'bihku' to kupakamoja'! Mangpenduannamo tee sura' kukiringan kamu'. Ia to issinna tee dua sura' kupangngingaran kamu' to pangngajaran tongan anna ia to pikkirisanmi situru' pakkaeloran-Na Puang Allataala.

1 Petrus 1:6

Iamo joo la mario kamu', moiraka namasse penawammi cingga'tu' tee too sanga mperasai kamu' mangrupa-rupa kamaparrisan.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Jamanna Rasulu' 1:24

Massambajangngi sola ngasan nakua, “Oo Puang, taissen ngasan to lan penawanna tau, pakitanmokan indannai tee tau sola dua to mangkamo tapilei,

Yahya 18:27

Anna pessakkanni omi Petrus nakua, “Tangngia aku'!” Siampa' melo bang joo wattu, nata'pa kekkua to manuk.

Yahya 18:4

Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 12:8

Ia to tokaasi-asi, la den bang ia lan tangnga-tangngami, apa ia tee Aku' te'da kutorro tarruh lan tangnga-tangngami.”

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Yosua 22:22

“PUANG Allataala to makuasa, to la'bih makuasa na sininna dewata, nnissenni tee kipugaukkuna. Naparallu too la miissen kumua ia ke denni pattujungki' nnewa Puang Allataala kipugaukki susi joo na te'damo kikatappa'i-I, ma'namo Nata'pa mpatei ngasankan too allo!

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.

Yahya 21:18

La muingaran tee kadang-Ku' kumua, ia ke malolle' unapoko, messa'wakko mumale umbo-umbo mukadoangngi. Apa ia ke matuamoko, la mpangbenko limammu, napumpungngi tau laen, nasolanko male lako to tangmukabudainna.”

Yahya 4:16

Nakua Puang Isa ngkuanni, “Malemoko ntambaii to balimmu muratu ssolanni ntee.”

Jamanna Rasulu' 11:10

Pentallun jaji susi joo, namane' diangka' pole' de' langi'.