Yahya 21:15 - Alkitab Duri

¹⁵ Ia tonna mangkamo kumande, nakuamo Puang Isa ngkuan Simon Petrus, “Simon anakkana Yona, la'bih mupakamoja'ra'ka na ia tee mai tau to mpakamoja' todana'?” Mebalii Petrus nakua, “Ie', Puang. Taissen kumua kupakamoja'ki'.” Nakua Puang Isa ngkuanni, “Rewai to anak bembala'-Ku'.”

Yahya 21:15 Referans Kwoze

Roma 15:1

Ia to kita', to mawatang una kamatapparanta', la sabbara'ki' ntulung padanta' tomatappa' to malamma kamatapparanna, ke denni tangnaala penawanna. Danggi' tapemasannangngi mesa kaleta'.

1 Yahya 4:19

Mangpakamoja'ki', nasaba' napakamoja'ki' Puang Allataala.

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

Efesus 6:24

Dennaa upa' nabarakka'i Puang Allataala sininna tau to mpakamoja' tarruhhi to Puangta' Puang Isa Almaseh. Padamo jolo' too. Sallangki' mati', Paulus.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

Yahya 16:27

sanga napakamoja'mo kamu' Ambe'. Napakamoja' kamu', nasaba' mipakamoja'na', mimatappa' too kumua topole jiona' mai Ambe'.

1 Petrus 2:25

Ia tonna jolona susi kamu' to bembala' lewa', apa ia tee too dipapolemo kamu' lako Tomangrewa to mpuinawa kamu'.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

Roma 14:1

Tarima meloi to padammi tomatappa', moi to malamma kamatapparanna. Danggi' misite'gehhi to pahangna toda ia.

Matius 16:17

Nakuamo Puang Isa, “Simon anakkana Yona. Masannangko, nasaba' tangngia tolino mpauanko to ianna tuu, apa pole jio mai Ambe'-Ku' jao suruga.

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Yahya 21:12

Nakua Puang Isa ngkuanni to anak gurun-Na, “Takumandemo!” Te'da bangngi moi mesa' barani mekutana kumua, “Indariki'?” sanga naissenmi kumua Puang Ia.

Yahya 21:7

Ia to anak guru napakamoja' Puang Isa ngkuan Petrus, “Puang joo!” Ia tonna sa'dingngi Simon Petrus, ta'pa mpakei bajunna sanga te'da namebaju, namella'bu do' tasik.

Matius 18:10

Mpatarruhpa kadan-Na Puang Isa nakua, “Ingaranni! Danggi' na den tee pea biccu' mikita majiong. Nasaba' la miissen kumua, den malaeka'na jio olo-Na Puang Allataala jao suruga nnampaii. [

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

1 Korintus 8:11

Susimi joo na ia to kapaissenanmi mpalao sala padammi tomatappa' to sitawa-tawa unapa penawanna. Na ia toomora tee totangmasaranian napumate Almaseh, anna pusalama' tooi.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Markus 14:29

Mebalimi Petrus nakua, “Oo Puang, moi nasalai ngasanmiki' titi' mati', te'da kulassalaiki'!”

Lukas 12:32

Naajahhimi Puang Isa to anak gurun-Na nakua, “Danggi' mimalaja' moi mitangpira! Nasaba' napumasannang Ambe'mi Puang Allataala jao suruga mpupenjaji kamu' taun-Na lan kaparentan-Na.

Matius 10:37

Inda-inda to la'bih mpakamoja' tomatuanna na Aku', tangsipato' menjaji taung-Ku'. Susi toomi to la'bih mpakamoja' anakkana na Aku'.

Yahya 13:37

Mekutana pole'i Petrus nakua, “Oo Puang ciapari na te'dapa kuwa'ding male sola Kita' tee too? Mpangbenna' sunga'ku' mpangngewaiki'.”

Yahya 1:42

Nasolanni lako Puang Isa, nakaje'jekki nakuanni, “Iko Simon, anakkana Yahya, la disangako Kefas.” (Kefas lan basa Yahudi pada una Petrus lan basa Yunani, battuananna: buntu batu.)

Matius 26:35

Nakuamo Petrus, “Oo Puang, moi antapada mate, nang te'da kulampessakkanniki'.” Mangkada ngasanni to anak gurun-Na susi joo.

Matius 26:33

Mebalimi Petrus nakua, “Oo Puang, moi nasalai ngasanki' titi' mati', te'da kulassalaiki'!”

Jamanna Rasulu' 20:29

Kuissen kumua ia angkumalemo, la ratu to tau massipa' susi asu lampung mentama tangnga-tangngami, na te'da nalancirinnaii to tau pura diben kamu'.