Yahya 21:1 - Alkitab Duri

¹ Mangkai joo too mpangpekitan pole' omi kalena Puang Isa lako anak gurun-Na jio randan Tasik Tiberias. Susi tee jajinna:

Yahya 21:1 Referans Kwoze

Yahya 6:1

Mangkai joo too malemi Puang Isa lian sambali'na Tasik Galilea to disanga too Tasik Tiberias.

Yahya 6:23

Apa ia joo wattu denmi ba'tu pira-pira lopi ratu jio mai kota Tiberias nakenden sikandoppi' to nanii mangka ngkurru sumanga' roti Puang Isa nakande tobuda.

Matius 28:16

Malemi joo sangpulo mesa anak gurun-Na Puang Isa re' tana Galilea naendek de' buntu jio susi to mangka napauanni.

Matius 28:7

Ia tee too, malemo kamu' madoi' mpauanni to anak gurun-Na kumua, ‘Tuo pole'mi Ia jio mai kamatean, na ia tee too malemi njoloi kamu' re' tana Galilea, na jiopa la minii sikita.’ Ingaranni tee apa mangka kupauan kamu'.”

Matius 26:32

Apa ia ke dipatuo pole'mo' jio mai kamatean, la kujoloi kamu' male re' tana Galilea.”

Yahya 21:14

Iamo tee mangpentallunna Puang Isa mpangpekitan kalena lako anak gurun-Na mangkanna tuo pole' jio mai kamatean.

Markus 16:12

Ia tonna mangka omo joo, laen omi carana Puang Isa mpangpekitan kalena lako dua tau to nturu'mi, tonna lan kalingkanna sola dua mangnguju lako mesa' kampong.

Markus 16:7

Ia tee too, malemo kamu' madoi' mpauanni to anak gurun-Na Puang Isa sola Petrus kumua, ‘Malemi njoloi kamu' re' tana Galilea, na jiopa la minii ngkitai, susi to mangka napauan kamu'.’ ”

Markus 16:14

Mangkatampakanna mpangpekitanmi kalena Puang Isa lako sangpulo mesa anak gurun-Na, tonna kumande. Nacaccai Puang Isa, nasaba' kamembattukan penawanna nacia' ngkatappa'i curitanna to tongkitami kumua tuo pole'mi Ia.