Yahya 20:30 - Alkitab Duri

³⁰ Budapa tanda mejangngaran laen to napugauk Puang Isa jio olona anak gurun-Na, apa te'da nadiuki' lan tee sura'.

Yahya 20:30 Referans Kwoze

Yahya 21:25

Budapa laenna to napugauk Puang Isa. Na ia ke la diuki' simesa'-mesa'i, kusanga ia to sura' dinii nnuki'i te'da nalasiagi tee lino.

1 Yahya 5:13

Kuuki'i tee lako kamu' tomatappa' lako Anak Allataala, ammiissenni kumua, miampuimo to katuoan melo te'da cappa'na.

1 Korintus 10:11

Mangka ngasanmo joo jaji lako tuu lako tau tonna anu', la mpupangngingaran tolaen. Na ia toomo nadiuki' ngasan, dikua anna pakainga'ki', nasaba' wattu la cappa'nami tee lino.

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.