Yahya 2:6 - Alkitab Duri

⁶ Den annan busu batu sigaja tonggo jio, dipasadia dipanii wai la dipenje'ne' situru' ada'na to-Yahudi. Ia to mesa' busu agi-agi la saratuh litere' issinna.

Yahya 2:6 Referans Kwoze

Yahya 3:25

Den ba'tu pira-pira to anak gurunna Nabi Yahya sipekka mesa' to-Yahudi, ssipekkaii to atoran pangje'nesan to-Yahudi.

Ibrani 9:10

Sanga ia joo atoran passompan, susi una to atoran pemali to dikandena na diiso'na sola mangrupa-rupa atoran mangpemacero, te'da kasiumputanna sunga', apa napangben Puang Allataala dikua naturu'i taun-Na sanggenna dipaden to basse baru.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 9:19

Ia tonna mangkamo napangpeissenan ngasan Nabi Musa to atoran-Na Puang Allataala lako to-Yahudi, naalami to rara anak sapin na rara beke bulolo', napasiraui wai, namane' mpi'pikkii joo sura' atoran-Na Puang Allataala sola to-Yahudi, mpake reu hisop dikapu' bulu bembala' malea.

Ibrani 6:2

ba'tu bungah pangngajaran laen susinna to pangjioran, kapanglullungan pala', katuoan pole' jio mai kamatean, ba'tu pangsessa te'da cappa'na.

Lukas 16:6

Mebalimi joo tau nakua, ‘Tallung sa'bu litere' minynyak zaitun.’ Nakuamo lako joo tau, ‘Inde' to sura' indanmu, muta'pa nnuki'ii silalona to laenna, uki'i sangsa'bu lima ratuh.’

Yahya 2:7

Nakua Puang Isa ngkuanni tuu lako todisua, “Issii wai tuu mati' busu.” Napeponnoi tonganmi wai.