Yahya 2:16 - Alkitab Duri

¹⁶ Nakua ngkuanni to pangdangkang jangan-jangan, “Alai ngasanni tuu mati', danggi' mipasusii pasa' to Bola-Na Ambe'-Ku'.”

Yahya 2:16 Referans Kwoze

Matius 21:13

Nakuanni Puang Isa tuu lako tau, “Den diuki' lan Sura' Allataala nakua Puang Allataala kumua, ‘Ia to Bola-Ku', iamo bola la dinii massambajang.’ Apa mipasusimo bola parampo'!”

Markus 11:17

Mangkai joo too mangngajahhimi jio nakua, “Den diuki' lan Sura' Allataala nakua Puang Allataala kumua, ‘Ia to Bola-Ku', iamo bola la nanii massambajang sininna bangsa.’ Apa mipasusimo bola parampo'.”

Lukas 2:49

Napebalimi Puang Isa nakua, “Oo, miangahna' pale'? Te'daraka miissenni kumua ia tee Aku' la jiona' bola-Na Ambe'-Ku' torro?”

2 Petrus 2:3

Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.

Yahya 5:17

Apa nakua Puang Isa ngkuanni, “Ratu lako too allo mangjama tarruh to Ambe'-Ku', jaji moi Aku' mangjama tarruh todana'.”

1 Timotius 6:5

massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Yahya 10:29

Ambe'-Ku' to kaminang makuasa. Iamo mangka mpangbenni joo bembala' lako Aku'. Moi mesa' tau te'da ngkullei rrampai jio mai Ambe'-Ku'.

Yahya 8:49

Mebalii Puang Isa nakua, “Te'da natamaina' setang, apa ngkasiri'ra' Ambe'-Ku'. Na ia ke kamu' te'da miangga'na'.

Matius 21:12

Mentamami rante Bola Puang Allataala to Puang Isa naula'ii to tomangbaluk sola tomangngalli lan. Nabalittua' simesa'i to meja nanii tompasitongka doi' sola cadokkoan pangbaluk jangan-jangan.

Matius 22:5

Apa te'da bang mparinawai la male lako tuu lako to ditambai. Pada maleri lako pangjamanna, den to male lako bara'bah, den to male mangdangkang.

Yahya 2:15

Nnalami ulang Puang Isa nagaragai perambi, namane' nnula'i ngasanni to tau messun lan mai rante Bola Puang Allataala sola sininna bekena, bembala'na, na sapinna. Ia to doi' dipangpetongkan napessamboranni do' litak, namane' mbalittua'i to mejana.