Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.
Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”
Ia tonna kitami tobuda joo tanda mejangngaran napaden Puang Isa, nakuamo, “Ia tonganmo tee to nabi napau Puang Allataala tonna anu' la ratu tama lino.”
Nakua Puang Isa, “Iara mumatappa' nasaba' kukuanko, ‘Kukitako jiong garonto' ara.’ Te'dapa nasipennapan joo mukitanna. Denpa to la'bih mala'bih na ia joo la mukita!”
Pole pole'mi Puang Isa lako kota Kana jio tana Galilea, to nanii mpupennanggoro' wai. Den mesa' tomangparenta jio kota Kapernaum sikandoppi' kota Kana masaki anakkana.
Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.
Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.
Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.
Apa buda too tau matappa' lako Puang Isa nakua, “Manassa kumua nang Raja Mangpasalama' Ia, sanga la'bih buda tanda mejangngaran napugauk na ia to tau laen.”
Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.
Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!
Mane' kiissenri kumua Kita' nnissenni to sininna apa. Taissen jolo to apa la nakutananki' tau. Iamo joo matappa'kan kumua topole jioki' mai Puang Allataala.”