Yahya 19:42 - Alkitab Duri

⁴² Napatama jiomi ntuu joo liang to batang rabukku-Na Puang Isa, sanga mandoppi'i, na cingga'tu'mora na Allo Katorroan.

Yahya 19:42 Referans Kwoze

Yahya 19:31

Ia tonna dipampang to Puang Isa, sangngallomora na Allo Katorroan. Cia'i to pekaamberan to-Yahudi, ke mendoke' unapi jao kaju sitamben to batang rabukkuna to todipampang nadete'i Allo Katorroan. Apa pole' opi na ia joo Allo Katorroan la'bih parallu na ia to Allo Katorroan laen. Iamo joo namale to to-Yahudi lako Gubernur Pilatus meta'da nadile'toan ajena to todipampang, namane' dipupellao to batang rabukkuna jao mai kaju sitamben.

Yahya 19:14

Cingga'tu'mora natatte' sangpulo dua tangnga allo joo wattu. Masawannapi nadete'i pangramean Paskah. Nakua Gubernur Pilatus ngkuanni to to-Yahudi, “Inde'mi Rajami.”

Yahya 19:41

Den sanglimbo bara'bah jio to dinii mpampang Puang Isa. Na den liang baru lan ntuu joo bara'bah, to te'da bangpa nadipatamai tomate.

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.

1 Korintus 15:4

Dipatamai liang, natuo pole' tonna allo mangpentallun, susi too to diuki' jolomo lan Sura' Allataala.

Jamanna Rasulu' 13:29

Na ia tonna mangkamo napugauk sininna to diuki' jolomo to jiona Ia lan Sura' Allataala, napupellaomi to batang rabukku-Na jao mai kaju sitamben, namane' mpeliangngi.

Yahya 19:20

Buda to-Yahudi mbacai joo pangnguki', nasaba' te'da namambela jio mai kota to dinii mpampangngi. Ia joo pangnguki' diuki' lan basa Ibrani, basa Latin na basa Yunani.

Matius 12:40

Susi Nabi Yunus torro lan ba'tang bale tallung allo tallung bongi, susi toomi la jaji lako tee Aku', Anak Mentolino, la torrona' lan lamunan tallung allo tallung bongi.