Yahya 19:35 - Alkitab Duri

³⁵ Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Yahya 19:35 Referans Kwoze

Yahya 21:24

Iamo tee to anak gurun-Na mpangpeissenanni to sininna tee kajajian, na ia toomo mangka nnuki'i. Na taissen kumua tongan ngasan to apa napau.

Yahya 15:27

Moi kamu' la mipangpeissenan toona', sanga sola bangmiki' jio mai pamulanna.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

Jamanna Rasulu' 10:39

Kami'mo tee mai tongkitai sininna to napugauk la jio tana Yudea, la jio kota Yerusalem. Moi nasusi joo dibunoi nadipampang jao kaju sitamben.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

1 Yahya 5:13

Kuuki'i tee lako kamu' tomatappa' lako Anak Allataala, ammiissenni kumua, miampuimo to katuoan melo te'da cappa'na.

Yahya 19:26

Ia tonna kitai Puang Isa to indo-Na ke'deh jio sola to anak gurun-Na napakamoja', mangkadami lako indo-Na nakua, “Oo indo', iamo tuu anakkami.”

Yahya 14:29

Kupauan jolomo kamu' tee, moi na te'dapa najaji, na ia ke jajimi keanu', mikatappa'imo'.

Yahya 11:42

Kuissen kumua tuli mipesa'dingngina', apa iara kumangkada susi tee, kukua anna matappa' tee tobuda inde' kusolan, kumua Ambe' tonganmo to ssuana'.”

Yahya 11:15

Apa masannangna' na te'da kuratu joo wattu, sanga la'bih melo lako kamu', ammiwa'ding matappa'. Tamalemo tee too lako Lazarus.”

3 Yahya 1:12

Ia to Demetrius napau melo ngasan tau, moi Puang Allataala mpau melo tooi. Na moi kami' kipau melo too, na muissen kumua tongan to apa kipau.