Yahya 19:30 - Alkitab Duri

³⁰ Nacuccu'i Puang Isa joo anggoro', namane' mangkada nakua, “Mangkami!” Namane' cukku, naka'tu sunga'-Na.

Yahya 19:30 Referans Kwoze

Yahya 17:4

Mangkamo' mpakala'bihki' lan tee lino, nasaba' mangkamo' njamai to jaman tasuanna'.

Filipi 2:8

Mpupengkajiongan kalena anna menturu' tongan lako Puang Allataala, naarannai mate. La'bih pole'pi mate jaoi kaju sitamben.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Yahya 10:11

Aku'mo tomangrewa makanana'. Ia to tomangrewa makanana' mpangben sunga'-Na ssullei to bembala'-Na.

Daniel 9:24

Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Lukas 23:46

Naandongngi Puang Isa metamba nakua, “Oo, Ambe'! Kusorongmi mati' sunga'-Ku'!” Ia tonna mangka mangkada susi joo, ka'tumi sunga'-Na.

Roma 10:4

Mangkami naganna'i Almaseh to atoranna nabi Musa. Iamo joo ia to tomatappa' lako Almaseh, napupenjaji tomeloi Puang Allataala.

Yahya 19:28

Ia tonna issenmi Puang Isa kumua mangka ngasanmi najama to nasuanni Ambe', mangkadami nakua, “Mawakkena'” anna jaji to diuki' lan Sura' Allataala.

Markus 15:37

Nnandongngii gamaran-Na Puang Isa metamba, anna ka'tu sunga'-Na.

Yahya 10:18

Moi mesa' tau te'da nakullei nnalai sunga'-Ku' ke te'da kupuelohhi. Makuasana' mpangben sunga'-Ku', na makuasa toona' tuo pole'. Iamo tee to parenta kutarima jio mai Ambe'-Ku'.”

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Matius 27:50

Katampakanna nnandongngi omi gamaran-Na Puang Isa metamba, naka'tu sunga'-Na.

Ibrani 9:22

Sitonganna ianna situru' atoran agama to-Yahudi, ci'di'mora to te'da nadipemaceroi mpake rara. Susi toomi joo, iapi naden kadidampangan ke dipato'doii rara.

Roma 3:25

Mangkami napangkaroban Puang Allataala to Puang Isa Almaseh nalolong rara-Na, dikua anna ia to tomatappa' wa'ding dila'bak jio mai kuasa dosa. Iamo joo nanii Puang Allataala mpangpekitanni to kamarurusan-Na, nasaba' ia tonna jolona te'da nadipabalahhi dosana to tolino.

Matius 3:15

Apa mebalii Puang Isa nakua, “Ake'mo najaji tee, nasaba' susimo tee la tapugauk situru' pakkaeloran-Na Puang Allataala.” Najio'mi Nabi Yahya.

1 Korintus 5:7

Ca'beanmi joo ragi, iamo to dosa, ammida'tan menjaji tau mesan-Na Puang Allataala, susi panglama baru tangdiragii. Umma'-Namiki' Puang Allataala, nasaba' mangkamo dipangkaroban to bembala' Paskah to lla'bakki' jio mai dosa, iamo to Almaseh.

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”