Yahya 19:26 - Alkitab Duri

²⁶ Ia tonna kitai Puang Isa to indo-Na ke'deh jio sola to anak gurun-Na napakamoja', mangkadami lako indo-Na nakua, “Oo indo', iamo tuu anakkami.”

Yahya 19:26 Referans Kwoze

Yahya 21:24

Iamo tee to anak gurun-Na mpangpeissenanni to sininna tee kajajian, na ia toomo mangka nnuki'i. Na taissen kumua tongan ngasan to apa napau.

Yahya 20:2

Ta'pa kinjara'mi male nnangah Simon Petrus sola to anak gurun-Na to napakamoja' Puang Isa, napauanni kumua, “Mangkai naala tau to Puang lan mai liang, na te'da kiissenni umbo napanii.”

Yahya 13:23

Na ia to anak gurun-Na Puang Isa, to liwa' napakamoja', cumadokko jio sa'de-Na.

Yahya 2:4

Mebalii Puang Isa nakua, “Oo indo', danggi'pa suana'. Te'dapa nadete'i wattung-Ku' la mpangpeissenan kale-Ku'.”

Yahya 21:7

Ia to anak guru napakamoja' Puang Isa ngkuan Petrus, “Puang joo!” Ia tonna sa'dingngi Simon Petrus, ta'pa mpakei bajunna sanga te'da namebaju, namella'bu do' tasik.

Yahya 21:20

Ia tonna messaile Petrus lako boko'na, nakitai jio to solana anak guru to napakamoja' Puang Isa. Iamo to cumadokko ngkandoppi' Puang Isa tonna kumande, namekutana kumua, “Oo Puang, indara ia to la mpangpejokkoanki'?”