Yahya 18:36 - Alkitab Duri

³⁶ Mebalimi Puang Isa nakua, “Ia to kaparentan-Ku' te'da napole lan mai lino. Ia ke la pole lanni mai lino, nalamangngewa to taung-Ku', anna danggi' kudipangngolo lako pekaamberan to-Yahudi. Apa te'da meman napole lan mai lino to kaparentan-Ku'.”

Yahya 18:36 Referans Kwoze

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

Yahya 6:15

Naissen Puang Isa kumua la ratui joo tobuda la mparukui menjaji rajana. Iamo joo namale messarak de' buntu.

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

1 Timotius 6:13

La nakita Puang Allataala, to mpatuo sakka' saianna, na Puang Isa Almaseh to mangka mpangben kasa'bian tongan lako Gubernur Pontius Pilatus, kumeta'da tongan lako iko, ammuturu' meloi sininna to kupauanko, mupugauk ngasanni ratu lako karatuan-Na pole' Puangta' Puang Isa Almaseh.

Matius 26:53

Musangaraka tanglawa'dingna' meta'da lako Ambe'-Ku', naparatuanna' massa'bu-sa'bu malaeka' la ntulungna'?

Lukas 12:14

Mebalimi Puang Isa nakua, “Oo mane, indara to nnangka'na' menjaji pangbicara ba'tu tomantawa ewananmi sola dua?”

Yahya 8:15

Ia ammira'tah kara-karana tau, mangra'tah tolino unamo kamu'. Apa ia ke Aku' te'da tau kura'tah kara-karana, moi mesa'.

Yahya 18:35

Mebalimi Gubernur Pilatus nakua, “Oo to-Yahudira'ka? Bangsamu una sola kapala imang ratu ssolanko mangngolo lako aku'. Apara to mangka mupugauk?”