Yahya 18:33 - Alkitab Duri

³³ Mentama pole'mi salassa' Gubernur Pilatus natambai to Puang Isa, nakutanaii nakua, “Tongannaraka, Ikomo raja-Na to-Yahudi?”

Yahya 18:33 Referans Kwoze

Yahya 19:12

Ia tonna sa'dingngi Gubernur Pilatus joo, nnangahmi lalan la lla'paran Puang Isa. Apa simetamba-tambanni to to-Yahudi nakua, “Ia ke tala'paranni, tangngiaki' soba'na Tomaraja Roma! Ia to tossanga kalena raja, iamo tonnewa Tomaraja!”

Yahya 19:3

namempole-pole lako olo-Na ncapa'-capa'i nakua, “Salama' Raja to-Yahudi”, namane' ntampelengngi.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 12:13

Pada nnalami daun kaju palem jio mai garonto'na namale ntammui to Puang Isa. Nametamba-tamba nakua, “Pakala'bihhi Puang Allataala! Dibarakka'i to toratu mpusanga sangan-Na Puang, rajana to-Israel!”

Markus 15:2

Nakutanaimi Gubernur Pilatus nakua, “Tongannaraka, Ikomo Raja to-Yahudi?” Napebalimi Puang Isa nakua, “Susi tuu tapaunna, Aku'mo.”

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

1 Timotius 6:13

La nakita Puang Allataala, to mpatuo sakka' saianna, na Puang Isa Almaseh to mangka mpangben kasa'bian tongan lako Gubernur Pontius Pilatus, kumeta'da tongan lako iko, ammuturu' meloi sininna to kupauanko, mupugauk ngasanni ratu lako karatuan-Na pole' Puangta' Puang Isa Almaseh.

Yahya 19:9

Mentama pole'mi bola pangra'tasan kara-kara, nadisolan Puang Isa tama, nakutanai pole'i nakua, “Topole umboroko?” Apa cia'i Puang Isa mebali.

Yahya 12:15

“Ee kamu' to-Yerusalem, danggi' malaja'! Kitai, ratumi to Rajami, ssakei keledai lundara.”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Matius 27:27

Nabawami surudadunna Gubernur Pilatus to Puang Isa tama salassa' gubernur, namane' ntambai ngasanni to solana anna talimbungngi.

Lukas 23:2

Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Yahya 18:34

Napebalimi nakua, “Ia tuu pekutananta', pekutananta' unaraka, ba'tu denmoraka tau ncuritana' lako kita'?”

Yahya 18:38

Mekutana pole'i Gubernur Pilatus nakua, “Apara joo musanga katonganan?” Mangkai joo too messun pole' omi Gubernur Pilatus, namangkada lako to-Yahudi nakua, “Moi mesa' kasalan-Na te'da kuampa'.

Yahya 19:4

Mangkai joo too, messun unapi Gubernur Pilatus namangkada lako tobuda nakua, “Kitai! La kupangngoloi lako kamu', ammiissenni kumua moi mesa' kasalan-Na te'da kuampa'.”