Yahya 18:3 - Alkitab Duri

³ Iamo joo, namale Yudas lako ntuu jio ssolan surudadu to-Roma sola ba'tu pira-pira pangjagana Bola Puang Allataala, to nasua kapala imang na to-Farisi. Mbawai pangbuno sola palita na sulo.

Yahya 18:3 Referans Kwoze

Yahya 18:12

Ia to surudadu Roma sola komandanna na pangjaga to-Yahudi njokko Puang Isa napumpungngi.

Jamanna Rasulu' 1:16

“Ee, todipusile'to! Ia to diuki' lan Sura' Allataala, nang la jajinna ia. Ia tonna anu' Raja Daud napake Roh Allataala mpaui to Yudas to male mpangpejillokan Puang Isa na dijokko.

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Matius 25:1

Mangkada omi Puang Isa nakua, “Ia ke ratu pole'na' tee Aku', Anak Mentolino, wa'ding dipasangrapang tee curita sangpulo ana'dara mbawa palita male la ntammui tobotting muane.

Yahya 7:32

Nasa'dingngi to-Farisi to tobuda ncurita membuni Puang Isa. Iamo joo namesa' kada sola kapala imang ssuai to ba'tu pira-pira pangjagana Bola Puang Allataala la njokkoi.

Yahya 18:18

Macakke'mi joo wattu. Iamo joo, na ia to kaunan sola pangjaga mpadukku lalotin api dipendarang. Male todai Petrus lako ntuu jio, nake'deh mendarang sola tuu lako tau.

Yahya 18:22

Ia tonna mangkada Puang Isa susi joo, denmi mesa' pangjaga jio ntampelengngi, nakua ngkuan Puang Isa, “Liwa' baranimmu mangkada susi tuu lako Imang Lompo!”

Yahya 19:6

Simetamba-tambanni to kapala imang sola to pangjagana Bola Puang Allataala tonna kitami to Puang Isa nakua, “Pampangngi! Pampangngi!” Nakua Gubernur Pilatus, “Alami mipampangngi, sanga te'da lalo kasalan-Na kuampa'.”

Jamanna Rasulu' 10:1

Den mesa' to-Roma jio kota Kaisarea disanga Kornelius, komandan surudadu to-Italia.