Yahya 18:17 - Alkitab Duri

¹⁷ Nakua joo baine kaunan pangjaga babangan lako Petrus, “Ee, tangngiko todaraka sala mesa'na anak gurun-Na joo tau?” Mebalii Petrus nakua, “Tangngiana'.”

Yahya 18:17 Referans Kwoze

Yahya 21:15

Ia tonna mangkamo kumande, nakuamo Puang Isa ngkuan Simon Petrus, “Simon anakkana Yona, la'bih mupakamoja'ra'ka na ia tee mai tau to mpakamoja' todana'?” Mebalii Petrus nakua, “Ie', Puang. Taissen kumua kupakamoja'ki'.” Nakua Puang Isa ngkuanni, “Rewai to anak bembala'-Ku'.”

Yahya 18:25

Ke'deh unapi Simon Petrus mendarang ntuu jio, na den ba'tu pira-pira tau ngkuanni, “Ee, tangngiko todaraka sala mesa'na anak gurun-Na joo tau?” Apa messakkanni Petrus nakua, “Tangngia aku'!”

Yahya 18:16

apa ia to Petrus mangtajanni jio salean jio babangan. Na ia joo solana to naissen Imang Lompo, messun pole'i lan mai, nasipangkada to baine kaunan pangjaga babangan, namane' ssolanni to Petrus mentama.

Lukas 22:54

Najokkomi to Puang Isa, nasolanni lako bolana Imang Lompo. Naturu'i mambela-bela bangngi Petrus.

Matius 26:33

Mebalimi Petrus nakua, “Oo Puang, moi nasalai ngasanki' titi' mati', te'da kulassalaiki'!”

Jamanna Rasulu' 12:13

Ia tonna ndedek babangan to Petrus, den mesa' baine kaunan disanga Rode ratu la ntimbakanni.

Yahya 18:8

Nakua Puang Isa, “Mangkamo kukua, Aku'mo tee. Ia ke Aku' to miangah, eloranni tee mai tau laen namale ia.”

Yahya 18:5

Mebalimi tuu lako tau nakua, “Puang Isa to-Nazaret.” Nakua Puang Isa, “Aku'mo tee.” Ia to Yudas to mpangpejokkoanni ke'dehhi jio sola tuu lako tau.