Yahya 18:13 - Alkitab Duri

¹³ Napangngoloi to Puang Isa jolo' lako Hanas, ambe' matuanna Kayafas. Na ia to Kayafas iamo Imang Lompo joo taun.

Yahya 18:13 Referans Kwoze

Yahya 18:24

Napangpesuanni Hanas anna ia to Puang Isa to dipumpung unapa dipangngolo lako Kayafas to Imang Lompo joo taun.

Yahya 11:51

Napaui Kayafas susi joo, sanga iamo Imang Lompo joo taun. Napau joloi kumua la mate to Puang Isa ssulle to-Yahudi. Mangkadai susi joo apa tangngia pikkirisanna.

Lukas 3:2

Ia to menjaji Imang Lompo, Hanas na Kayafas. Ia joo wattu naparatui Puang Allataala to kadan-Na lako Nabi Yahya anakkana Zakharia jio padang pallawangan.

Matius 26:57

Ia tonna mangkamo tuu lako tau njokko Puang Isa, nasolanmi lako bolana Imang Lompo Kayafas. Ia to guru agama sola pekaamberan to-Yahudi sirempun ngasanni ntuu jio.

Matius 26:3

Ia joo wattu ia to kapala imang sola pekaamberan to-Yahudi sirempun jio salassa' Imang Lompo to disanga Kayafas.

Jamanna Rasulu' 4:6

Jio tooi to Imang Lompo disanga Hanas. Na denpa Kayafas, Yahya sola Aleksander na sininna rapu laenna Imang Lompo.

Yahya 11:49

Den mesa' tau disanga Kayafas, iamo Imang Lompo joo taun, mangkada ngkuanni tuu lako solana, “Te'da kamu' apa miissen!

Yahya 18:28

Melambi' unapa nasolanni to Puang Isa jio mai bolana Imang Lompo Kayafas, male lako salassa' gubernur to dinii mangra'tah kara-kara. Apa te'da namentama salassa' gubernur to pekaamberan to-Yahudi, dikua danggi' nacarepa situru' atoran agama, nawa'ding kumande kande Paskah.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”