Yahya 17:19 - Alkitab Duri

¹⁹ Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Yahya 17:19 Referans Kwoze

Ibrani 2:11

Puang Isamo to mpupenjajiki' tau mesan-Na Puang Allataala. Tosangrapura to tompupenjaji tau mesan-Na Puang Allataala, na ia to todipupenjaji tau mesan-Na Puang Allataala. Iamo joo na te'da nakasirisanni mpusile'toi to tolino.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Yahya 17:17

Dennaa upa' ia tuu lako taun-Ta' nturu' kadan-Ta' na mpangmesa lako mandai Puang Allataala to katuoanna. Katonganan to kadan-Ta'.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

2 Korintus 4:15

Ia to kamaparrisan kiperasai la mipumelona. Nasaba' ia ke sabuda-budanna tau mperasai kameloan penawan-Na Puang Allataala, sabuda-budanna tooi pangkurrusumanga' dipaendek de' Puang Allataala, anna Ia manda dipakala'bih.

Ibrani 9:26

Sanga ia kenna la susi Imang Lompona to-Yahudi to Almaseh, la nadadu' punalai mperasai parri' kamatean mellao jio mai dipadenna tee lino. Sibalikanna pissenri mangka ratu to Almaseh tee wattu tampakkana lino mpassompan kalena la ndampangan tau.

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

Ibrani 9:13

Ia to rara beke bulolo' ba'tu rara sapin balian ba'tu au anak sapin mangka dipassompan dipake mpi'pikkii to tocarepa situru' atoranna Nabi Musa, anna wa'ding ssompa Puang. Na ia ke ia joo rara ba'tu au wa'ding mpemaceroi tocarepa situru' atoranna Nabi Musa, la'bih pole' opa ia to rara-Na Almaseh wa'ding mpemaceroi apa to lan penawanta' antawa'ding massompa lako Puang Allataala to tuo, sanga te'damo taparallu ssompai mpake atoran passompan to te'da bua'na. Ia to rara-Na Almaseh wa'ding mpugaukki susi joo, nasaba' ia to Almaseh te'da kasalan-Na. Napatujui Roh Allataala to tuo tarruh to Almaseh napassompan kalena lako Puang Allataala susi karoba te'da caccana.

Ibrani 9:18

Susi toomi joo denpi olok-olok mate digere' na ia to rarana mpaassahhi to basse jolo.

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Yahya 15:3

Nabajaimo kamu' pangngajah-Ku' to mangka kuajaran kamu'.

Yahya 15:13

Nate'damo ia pangpakamoja' la'bih matonggo, na ia to pangpakamoja'na mesa' tau tompangben sunga'na naputuoi soba'na.

Yahya 17:20

Te'da na ia manda tee taun-Ta' kupassambajangan, apa kupassambajangan too to la matappa' lako Aku', ke napangpeissenanmi tuu lako taun-Ta' to Kareba Kasalamatan.

2 Korintus 7:14

Mangkamo kamu' kupuji lako Titus, na melomi sanga te'da una mipakasiri'na'. Tongan ngasan to apa kipauan kamu', susi too tongan ngasan to apa mangka kipujian kamu' lako Titus.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.