Yahya 17:1 - Alkitab Duri

¹ Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Yahya 17:1 Referans Kwoze

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

Yahya 11:4

Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Markus 14:41

Ia tonna mangpentallunnamo pole, nakuanmi to anak gurun-Na, “Mamma' bang unapara kamu'ka mpessau bo'jo'mi? Ganna'mi! Nadete'mi wattung-Ku' tee Aku', Anak Mentolino, la dipangben lako kuasanna tomadosa.

Yahya 11:41

Napalelei tau joo batu, namentingngara Puang Isa de' langi', namane' kumua, “Oo Ambe', mangkurru sumanga'na' mati', sanga mipesa'dingngimo'.

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Yahya 7:30

Ia joo wattu den tau pada nnangah lalan la njokkoi, apa moi mesa' tau te'da barani njokkoi, nasaba' te'dapa nadete'i wattunna.

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Lukas 22:53

Allo-allo solaki' jio Bola Puang Allataala, na te'da mijokkona'. Apa iamo tee wattunna minii sola kuasanna Ballisi' la mangpugauk.”

Lukas 18:13

Apa ia joo passassung ke'deh mambela-bela bang. Moi mentingngara de' langi' tangnasara, apa ssauru'i babara'na, nakua, ‘Oo Puang Allataala, kamaseina' dikka' aku' tee mesa'na' tomadosa!’