Yahya 16:33 - Alkitab Duri

³³ Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 16:33 Referans Kwoze

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

1 Yahya 5:4

sanga ia to tonapuanakmo Puang Allataala mangkamo ntaloi kuasanna tolino to tangnturu' Puang Allataala. Ia to tapake ntaloii, iamo to kamatapparanta'.

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

1 Yahya 4:4

Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

Filipi 4:7

na ia to kamasannangan jio mai Puang Allataala, to te'da nakullei mpahangngi tolino, la mpamambelai joo napuselangna penawammi, nasaba' mesa' penawa kamu' sola Puang Isa Almaseh.

1 Petrus 5:9

La mawatang kamu' matappa' nnewai, nasaba' miissen kumua ia to padammi tomatappa' lan lili'na lino maparri' toda susi kamu'.

Yahya 14:1

Nakua Puang Isa lako anak gurun-Na, “Danggi' mimausa'. Matappa' kamu' lako Puang Allataala, mimatappa' too lako Aku'.

2 Timotius 3:12

Manassa kumua sininna tau to madoang ssompa na nturu' Puang Isa Almaseh la dipakario-rio,

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Ibrani 11:25

La'bih nakabudai maparri' sola umma'-Na Puang Allataala na ia to mperasai kamasannangan cingga'tu'ra to napaden dosa.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

1 Tesalonika 3:7

Ee, tomala'bihku'! Napamasumanga'kan joo kareba. Moi kimaparri' dipakario-rio, masumanga'kan ssa'dingngi kumua da'tan kamu' matappa'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Kolose 1:20

Nasuai Puang Allataala to Almaseh mentama lino, namate jao kaju sitamben, anna pasikalinoi to sininna apa lan lino na lan suruga sola kalena.

2 Korintus 1:3

La mangkurru sumanga'ki' lako Puang Allataala, Ambe'-Na Puangta' Puang Isa Almaseh. Iamo Ambe' to ngkamasei na tuli mpakatana too tolino.

2 Korintus 13:11

Ee, tomala'bihku' sola ngasan! Katampakanna, la mario kamu' sola angahhi to la mipumakassingna. Tarimai to sininna pangpangngingaranku'. La mesa' penawa kamu' misikalino, anna ampai kamu' Puang Allataala. Iamo Puang mangpakamoja' sola mangpasikalino.

1 Tesalonika 3:4

Ia tontasola unapa, kipauan jolomo kamu' kumua la maparri'ki'. Tongan joo kada sanga mangkamo taperasai to parri'.

Galatia 6:14

Ia tee aku', te'da kulampemajaoi penawangku', apa mpakala'bihna' Puangta' Puang Isa Almaseh to mangkamo mate jao kaju sitamben. Iamo joo ia to tolino na atoranna te'damo bua'na lako aku'. Susi too aku' lako tolino.

2 Korintus 7:4

Liwa'na' ngkatappa'i kamu', mipamariona'. Moi kipembuda mperasai kamasussan, liwa'na' matana nasaba' kamu', na mario tonganna'.

Jamanna Rasulu' 27:25

Iamo joo, tokupusile'to sola ngasan, pemawatangngi to penawammi! Sanga matappa'na' lako Puang Allataala kumua sininna to napauanna' la jaji ia.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Jamanna Rasulu' 9:31

Jaji te'damo nadisessa to jamaa jio tana Yudea, Galilea na Samaria. Na pangtulung-Na Roh Allataala anna samawatang-watangna na sakerangngan-rangnganna too joo jamaa, ssompa Puang.

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Lukas 2:14

“Pakala'bih Puang Allataala to makuasa jao suruga! Sikalino to tolino to napumasannang!”

Jamanna Rasulu' 27:22

Apa moi nasusi tee, kupeta'da mipamawatang penawammi. Moi mesa' te'daki' la mate, moi namasolang tee kappala'.

Lukas 19:38

Metamba-tamba tuu lako tau nakua, “Dibarakka'i to Raja ratu mpusanga sangan-Na Puang. Pakala'bihhi Puang Allataala jao kaminang majaona, na kasikalinoan jao suruga.”

Jamanna Rasulu' 23:11

Ia tonna bonginna pole'mo, ke'dehhi Puang Isa jio sa'dena Paulus nakuanni, “Ee, pemawatangngi penawammu! Mangkamoko mpangpeissenanna' jio kota Yerusalem, susi toomi jio kota Roma la mupangpeissenan unapa'.”

Ibrani 7:2

Nabenni Nabi Ibrahim tawa sangpulona sininna to apa narampa. (Ia to imang Melkisedek disanga “Raja Kamarurusan”, sanga ia to kada melkisedek battuananna raja kamarurusan. Disanga tooi “Raja Kasikalinoan”, sanga rajai jio kota Salem, na salem battuananna kasikalinoan.)

Yahya 16:11

La napamanassa too kumua la nasessami Puang Allataala to tolino, sanga disessami to Ballisi', to ngkuasai tee lino.

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

2 Korintus 2:14

Apa kurru sumanga' lako Puang Allataala to tuli ssolankan nabenkan kapataloan, nasaba' memmesa' penawakan sola Almaseh! Napakekan Puang Allataala mpangpeissenanni to karebanna Almaseh, anna kaissenan susi bau bunangngu' silele to padang la umbo-umbo kinii.

2 Korintus 4:7

Apa ia tee ewanan, iamo to arrang kamala'biran-Na Puang Allataala, dianna lan batang kaleki' to te'da nakeangga', sanga susikan busu digaraga jio mai litak. Susimi joo, napajan kumua ia to kuasa mala'bih pole jiora mai Puang Allataala, te'da napole jio mai kaleki'.

2 Korintus 6:4

Iamo joo kipangpekitanni lan sininna panggaukanki' kumua tonasuakan Puang Allataala. Kiewai kasabbarasan moi mangrupa-rupamo kamaparrisan kiperasai, susinna disessakan, disussaikan,

1 Yahya 2:13

Ee, kamu' to ambe'! Kuukiran kamu' tee, nasaba' miissenmo to Puang Isa Almaseh to denmo mammula jiona mai. Ee, kamu' tomalolle'! Kuukiran kamu' tee, nasaba' mangkamo kamu' ntaloi Ballisi'.