Yahya 16:25 - Alkitab Duri

²⁵ Mpatarruhhi kadan-Na Puang Isa nakua, “Sininna tee kupauan kamu', kupakean ngasan pangpasusian. Apa la den wattunna nate'damo kupakeanni pangpasusian, apa kupau manassa bangmo lako kamu', mpamanassai to Ambe'.

Yahya 16:25 Referans Kwoze

Yahya 16:12

Budapa to la kupauan kamu', apa te'dapa mikullei mpahangngi.

Yahya 10:6

Nacuritanni Puang Isa tuu lako tau tee pangpasusian, apa te'da naissenni to battuananna.

Markus 4:13

Nakuamo Puang Isa, “Ia ke te'da mipahangngi joo pangpasusian, umbo la mikua mpahangngi to pangpasusian laen?

2 Korintus 4:2

Te'da kipugaukki to sininna panggaukan membuni to mesirisan, tangngia tookan pangnguraga iarika tompau sala kadan-Na Puang Allataala. Apa Puang Allataala ngkitakan kumua tangmembunikan kipangpeissenanni to pangngajaran tongan. Kieloranni to sininna tau ntimbangkan lan penawanna.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Kada Bulawan 1:6

dikua nampahang kada bulawan, kada pangpasusian, karume sola kadanna tomacca.

Markus 4:34

Te'da bang natangmpake pangpasusian, ke nnajahhii tobuda. Apa ianna anak gurun-Na manda nasolan, napamanassan ngasanni.

Markus 8:32

Ia joo kadan-Na napau maruruh bang mpemanassai to apa la jaji. Iamo joo napupessarak mesai Petrus to Puang Isa anna ta'tanni.

Yahya 10:24

Naratu sirempun to pekaamberan to-Yahudi ngguririkki Puang Isa, nakutanaii nakua, “Piranpara masainki' la mangtangngah? Pauan pissenmokan manassana ke Kita'mo to Raja Mangpasalama'.”

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.