Yahya 16:22 - Alkitab Duri

²² Susi toomo kamu'. Masussa penawammi tee too, apa la kusiamparan pole' kamu', ammimemmasannang. Na moi mesa' tau te'da ngkullei nnalai kamu' joo kamasannanganmi.

Yahya 16:22 Referans Kwoze

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

Jamanna Rasulu' 13:52

Masannang to tomatappa' jio kota Antiokhia, nakuasaii Roh Allataala.

Yahya 16:6

Na la memmasse penawammi tee too, nasaba' kupauanmo kamu' kumua, ‘La polemo'’.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Jamanna Rasulu' 16:25

Mbai tangnga bongi namassambajang Paulus sola Silas anna makkelong mpuji Puang Allataala. Napesa'dingngii to tonasolan ditarungku to kelongna.

Jamanna Rasulu' 2:46

Allo-allo tuli sangnginawa llundukki kasirempunan lan Bola Puang Allataala. Napasilele to bolana nanii sirempun mesa' penawa sipakario-rio kumande na ngkande roti mpengngingaranni kamatean-Na Puang Isa,

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Ibrani 6:18

Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Yahya 21:7

Ia to anak guru napakamoja' Puang Isa ngkuan Petrus, “Puang joo!” Ia tonna sa'dingngi Simon Petrus, ta'pa mpakei bajunna sanga te'da namebaju, namella'bu do' tasik.

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Yahya 14:1

Nakua Puang Isa lako anak gurun-Na, “Danggi' mimausa'. Matappa' kamu' lako Puang Allataala, mimatappa' too lako Aku'.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Lukas 24:41

Apa te'dapa nakatappa'i anak gurun-Na, sanga liwa' masannangngi na jangngah tooi. Iamo joo nakutanaimi Puang Isa nakua, “Denraka kande iti'?”

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Lukas 10:42

Na mesa'ra ia to gaja parallu. Napileimo ia Maryam joo kaminang melo, iamo to mpesa'dingngi kadan-Na Puang Allataala, na te'damo na la dialai.”

Matius 28:8

Ta'pa malemi tuu lako baine ssalai joo liang. Moi namalaja', apa gaja parannui male kinjara' la mpauanni anak gurun-Na Puang Isa joo apa mangka jaji.

Yahya 16:20

La miingaran tee kadang-Ku' kumua, la kumarrak kamu', mimbating too, apa la marioi to totangmatappa'. La masussa penawammi, apa ia to kamasussanmi la nasullei kamasannangan.

Lukas 19:26

Mebalimi joo puangna nakua, ‘La miingaran! Ia to todenmo naampui, la dibenpa la'bih buda. Apa ia totangnnampui apa, ia to apa ci'di'mora naampui, la dialai pissen.

Yahya 16:16

Mpatarruhhi kadan-Na Puang Isa nakua, “Cingga'tu'mora na te'damo mikitana', na cingga'tu' toomora ammikita pole'na'.”

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.