Yahya 16:14 - Alkitab Duri

¹⁴ La napakala'bihna', nasaba' ia to napauan kamu', natarima pole jio mai kale-Ku'.

Yahya 16:14 Referans Kwoze

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Galatia 5:5

Apa ia tee kami', kirannuan napupenjaji tomelokan Puang Allataala, sanga matappa'kan lako Puang Isa Almaseh. Parannukan susi joo, nasaba' napamanassankan Roh Allataala.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

1 Yahya 5:6

Ia to Puang Isa Almaseh nasuai Puang Allataala mentolino. Najio'i Nabi Yahya mpake wai, na ia to rara-Na lolong, tonna dipampang jao kaju sitamben. Jaji manassa kumua mentolinomo to Puang Isa Almaseh, Anak Allataala. Ia to mpamanassai te'da na ia manda to pangjioran-Na, apa moi kamatean-Na. Moi Roh Allataala mpau tooi kumua mentolinomo to Puang Isa Almaseh, na taissen kumua te'da namangnguraga.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

1 Petrus 2:7

Gaja keangga' joo batu lako kamu' to tomatappa'. Apa ia to totangmatappa' napatu to diuki' lan Sura' Allataala kumua, “Ia to batu naca'bean pande bola, menjajimo batu ariri petuo.”

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”