Yahya 16:13 - Alkitab Duri

¹³ Apa ianna ratumo joo Roh Allataala, Iamo la mpamanassai to katonganan-Na Puang Allataala, na Ia toomo mpatuju kamu' nnissenni to sininna pangngajaran tongan. Te'da namangkada situru' pakkaeloran-Na, apa sininna to nasa'ding jio mai Aku' iamo napau. Na la napauan too kamu' to apa la jaji keanu'.

Yahya 16:13 Referans Kwoze

Yahya 14:26

Ia to Roh Allataala, to tomangpakatana, la nasua Ambe' ratu ssullena'. Iamo la nnajahhi kamu' to sininna apa napangngingaran pole' kamu' to apa mangkamo kupauan kamu'.

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.

1 Yahya 2:20

Apa naparatuanmo kamu' Puang Isa to Roh Allataala. Iamo joo mipada nnissenni to pangngajaran tongan.

Yahya 12:49

Nasaba' tangngia pakkaeloran-Ku' kumangkada, apa ia to kupau, iamo to naparentanna' Ambe' to ssuana'.

1 Yahya 4:6

Apa ia to kita' napuanakmiki' Puang Allataala. Na ia to tonnissen Puang Allataala napesa'dingngi to pangngajahta'. Na ia to tote'da napuanakki Puang Allataala, te'da napesa'dingngiki'. Susimi joo carata' nnissenni, matumba sisalanna to tonnampui Roh mpamanassai to katonganan, na ia to nnampui roh mangpalao sala.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Pengkitanna Yahya 1:19

Iamo joo uki'i to apa mukitamo, to apa jajimo too, sola to apa la jaji.

Yahya 8:38

Ia to apa kukita jio Ambe'-Ku', iamo kupauan kamu'. Na ia todamo mipugauk to naajaran kamu' ambe'mi.”

2 Tesalonika 2:3

Moi apa nakua tau, danggi' lalo mimatappa', sanga tomangnguragara. Nasaba' den dua kara-kara la jaji namane' ndete'i wattu karatuan-Na pole' Puang Isa. Mangpempissenna buda tau la mpessakkanni Puang Isa. Na mangpenduanna den mesa' tau la mpangpekitan kalena, iamo to Togaja' to napattantumo Puang Allataala la mentama naraka.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

2 Tesalonika 2:12

Napugaukki Puang Allataala susi joo, dikua na sininna tongkabudai mpugauk dosa, na cia' ngkatappa'i pangngajaran tongan, la disessa.

Jamanna Rasulu' 27:24

nakuanna', ‘Ee, Paulus! Danggi' mumalaja', sanga la mangngolommu lako Tomaraja Roma! Sininna tomusolan mangkappala' te'dai la matumba, nasaba' kameloan penawan-Na Puang Allataala lako kalemu.’

Jamanna Rasulu' 20:23

Ia mandara kuissen kumua umbo-umbo kunii male, napamanassanmo' Roh Allataala kumua la disessana' kuditarungku jao kota Yerusalem.

Yahya 3:32

Napamanassamo to apa mangka nakita sola nasa'ding, apa moi mesa' tau cia' ntarimai to kadan-Na.

Jamanna Rasulu' 11:28

Denni mesa' disanga Agabus nakuasai Roh Allataala anna mangkada nakua, “La jaji to pealloan la'da' lan lili'na lino.” (Najaji tongan unamo joo, tonna Tomaraja Roma disanga Klaudius mangparenta.)

Yahya 16:12

Budapa to la kupauan kamu', apa te'dapa mikullei mpahangngi.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

1 Yahya 5:6

Ia to Puang Isa Almaseh nasuai Puang Allataala mentolino. Najio'i Nabi Yahya mpake wai, na ia to rara-Na lolong, tonna dipampang jao kaju sitamben. Jaji manassa kumua mentolinomo to Puang Isa Almaseh, Anak Allataala. Ia to mpamanassai te'da na ia manda to pangjioran-Na, apa moi kamatean-Na. Moi Roh Allataala mpau tooi kumua mentolinomo to Puang Isa Almaseh, na taissen kumua te'da namangnguraga.