Yahya 16:10 - Alkitab Duri

¹⁰ La napamanassa too kumua totangmadosana', sanga polena' lako Ambe' natarimana', na te'damo milangkitana'.

Yahya 16:10 Referans Kwoze

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Jamanna Rasulu' 3:14

Moi na pesua mattantun-Na Puang Allataala to te'da nakasalan, apa cia' kamu' ntarimai ammipeta'dai lako Pilatus la la'paranni joo to mbuno tau.

Galatia 5:5

Apa ia tee kami', kirannuan napupenjaji tomelokan Puang Allataala, sanga matappa'kan lako Puang Isa Almaseh. Parannukan susi joo, nasaba' napamanassankan Roh Allataala.

Roma 1:17

Ia to Kareba Kasalamatan mpaissenniki' umbo nakua carana Puang Allataala mpupenjaji tomeloi to tolino. Iamo to kamatapparan manda lako Puang Allataala, te'da ia cara laen. Susi to diuki' lan Sura' Allataala kumua, “Ia to tau dipupenjaji tomelo sanga matappa'i lako Puang Allataala, na iamo la nnampa' katuoan melo te'da cappa'na.”

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Jamanna Rasulu' 7:52

Denraka to nabi tangnasessa? Buda nabi nasua Puang Allataala tonna anu' mpaui to karatuanna Tomalampu'-Na apa nabunoi tojolomi. Na mangten tooki' too allo tapangpejokkoanni antapangpebunoanni.

Jamanna Rasulu' 2:32

Ia joo Puang Isa iamora napatuo pole' Puang Allataala jio mai kamatean. Na iamora joo to mangka kikita kipangpeissenanni sola ngasan.

Yahya 5:32

Apa den Ambe'-Ku' mpaui kumua, ‘Kusuako’, na kuissen kumua tongan to napau.

Yahya 3:14

Susi Nabi Musa tonna palakoi kaju to ulah tambaga napamajaoi jio padang pallawangan tonna anu', susi toda Aku' Anak Mentolino, la dipamajaona',

Daniel 9:24

Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Yahya 16:5

Apa ia tee too, la polemo' lako tossuana'. Na moi mesa' te'da bang kamu' ngkutanaina' kumua, ‘Umbora la tanii male?’

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”