Yahya 15:22 - Alkitab Duri

²² Ia ke la te'dai kuratu nnajahhi tau, te'da nalamadosa. Apa ia tee too, te'damo nawa'ding mpessakkanni dosana.

Yahya 15:22 Referans Kwoze

Yahya 9:41

Mebalimi Puang Isa nakua, “Ia ke la susi kamu' tobuta to te'da naissen pangngajaran tongan, te'da mimadosa. Apa mikua kumua, ‘Pakitakan’, iamo joo mida'tanpa madosa.”

Yakub 4:17

Ia to tonnissen apa to melo la napugauk, apa te'da napugaukki, madosai joo tau.

Jamanna Rasulu' 17:30

Te'damo napallan penawai to wattu katangpaissenanta', apa ia tee too nasua ngasan to tau lan lino mengkatoba' jio mai dosana.

Roma 1:20

Sipamulanna napaden Puang Allataala tee lino, napahangmo tolino kumua umbora susi joo Puang Allataala to tangkakitanan. Ia to kapuangan-Na na kuasan-Na to te'da cappa'na, pajan jio mai sininna to apa mangka napaden. Iamo joo na te'da lalan la nanii tolino mpessakkananni.

Yahya 12:48

Ia to tocia' ntarimana' sola tocia' mpesa'dingngi kadang-Ku', iamo joo kada kupangpeissenan la rra'tah kara-karana ke Kiama'mi lino.

1 Petrus 2:16

Mangkamo kamu' nala'paran Puang Allataala jio mai kuasa dosa. Iamo joo, danggi' mipakei to kadila'paranmi mpugauk buni kagajatan. Sibalikanna la nturu' kamu' pakkaeloran-Na Puang Allataala, nasaba' umma'-Namo kamu'.

Roma 2:1

Iamo joo, to matumbara kamu' milampasalara tau laen? Te'da lalan la minii mpessakkanan kalemi jio mai kasalanmi. Nasaba' mpasala kamu' tau laen, na kamu' bang una mpugaukki to mipake mpasala tau, battuananna mpasala kamu' kalemi.

Lukas 12:46

Apa te'da nakalannaii nata'pa ratu to puangna. Napemoncongngimi puangna, napasusii parri'na to totangnturu' Puang Allataala.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Yahya 15:23

Ia to tongkaba'cina', ia toomo ngkaba'ci Ambe'-Ku'.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 16:9

La napamanassa kumua madosai to tolino, sanga te'da namatappa' lako Aku'.