Yahya 15:20 - Alkitab Duri

²⁰ Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Yahya 15:20 Referans Kwoze

2 Timotius 3:12

Manassa kumua sininna tau to madoang ssompa na nturu' Puang Isa Almaseh la dipakario-rio,

Yahya 13:16

La miingaran tee kadang-Ku' kumua, ia to mesa' kaunan te'da nala'bih matande na puangna, susi toda to todisua te'da nala'bih matande na ia to tossuai.

Matius 10:24

Ia to mesa' passikola te'da nala'bih matande na gurunna, susi toda to kaunan te'da nala'bih matande na puangna.

2 Korintus 4:9

Liwa' buda tonnewalikan, apa te'da lalo nasalaikan Puang Allataala. Moi angkipembudamo disessa, apa te'da kimate.

1 Korintus 4:12

Kipengkullei tongan nnangahhi to la kikandena. Ianna tampakkikan ropu tau, kibarakka'i. Ianna sessakan, sabbara'kan.

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Lukas 6:40

Ia to mesa' passikola te'da nala'bih matande na gurunna. Apa ia ke tamma'mi melajah, la menjaji padami gurunna.

1 Tesalonika 2:15

Ia to to-Yahudi to mangka mbuno buda nabi tonna anu', ia too to mangka mbuno Puang Isa, ia toomo mpakario-riokan. Napugauk tarruh to panggaukan te'da napusannangngi Puang Allataala, na nnewa buda tau.

Yahya 10:31

Nnala pole' omi batu to to-Yahudi la nalekkosanni to Puang Isa.

Yahya 11:57

Ia to kapala imang sola to-Farisi, mangkamo mpau parenta kumua, “Ia to tonnissenni to nanii torro Puang Isa, la napau nadijokko.”

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.

Yahya 7:32

Nasa'dingngi to-Farisi to tobuda ncurita membuni Puang Isa. Iamo joo namesa' kada sola kapala imang ssuai to ba'tu pira-pira pangjagana Bola Puang Allataala la njokkoi.

Yahya 5:16

Iamo joo na ia to pekaamberan to-Yahudi nnangah lalan la mpakario-rio Puang Isa, nasaba' napugaukki joo tonna Allo Katorroan.

Lukas 2:34

Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Markus 10:39

Mebalimi nakua, “Ie', kisara Puang.” Nakuanmi Puang Isa, “Nang la mipumaparri' ia to kamaparrisan-Ku' sola kamatean-Ku'.