Yahya 15:16 - Alkitab Duri

¹⁶ Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

Yahya 15:16 Referans Kwoze

Yahya 15:19

Ia ke la taunna kamu' totangmatappa', tantu nakabudai kamu'. Apa tangngiamo kamu' taunna, sanga mangkamo kamu' kupilei lan mai tangnga-tangngana totangmatappa', iamo nakaba'ci kamu'.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.

Lukas 6:13

Ia tonna mariwangmo, nasuai ratu to tomenturu' lako kale-Na anna pileii sangpulo dua to nasangai rasulu', iamo to:

Galatia 1:15

Apa moi nasusi joo, ia to Puang Allataala mangka mpileina' tongkulan unapa ba'tangna indoku', na Iamo mpakedoi penawangku', sanga kameloan penawan-Na lako aku'.

1 Yahya 4:19

Mangpakamoja'ki', nasaba' napakamoja'ki' Puang Allataala.

Jamanna Rasulu' 22:14

Mangkai joo too nakuanna', ‘Mangkamoko napilei Puang Allataala to nasompa tojolota', dikua ammuissenni to pakkaeloran-Na, ammukitai to Puang Isa ammussa'dingngi to gamaran-Na.

2 Timotius 2:2

Ia to pangngajaran tongan to mangka kuajaranko jio olona buda tau, la mupabarakkanan tau to wa'ding dikatappa'i sola macca mpangpangngajaran pole'i lako tau laen.

Yahya 13:18

Na ia tee apa mane' mangka kupau, te'da na kamu' ngasan kupauan. Kuissen ngasan to tau kupileimo. Apa la jaji to kada mangka diuki' lan Sura' Allataala kumua, ‘Ia to tokusolan kumande, la nnewana'.’

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

1 Petrus 3:15

Apa la miingaran, kumua Almaseh mandara to Puang mikasiri' misompai, mituli sadia too mpebalii to tau ke nakutanai kamu' kumua, “Inda tonganra mirannuan?”

1 Yahya 4:10

Iamo tee to pangpakamoja'. Te'da na kita' mpakamoja' Puang Allataala, apa Iara mpakamoja'ki', nasuai to Anak menjaji karoba mpasikalinoki' Puang Allataala anna wa'ding ndampanganki' to tomadosa.

Kada Bulawan 11:30

Ia to tomakassing la manyaman katuoanna, ia to tomacca sabuda-budanna tau nturu'i.

Jamanna Rasulu' 1:24

Massambajangngi sola ngasan nakua, “Oo Puang, taissen ngasan to lan penawanna tau, pakitanmokan indannai tee tau sola dua to mangkamo tapilei,

1 Petrus 3:2

nasaba' iamo nakita to sipa' melomi, maruruh sola macanning atimmi nturu'i.

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

Jamanna Rasulu' 9:15

Apa nakua Puang ngkuanni, “Male bangmoko! Nasaba' mangkamo kupilei la mpangjamanna', dikua napangpeissenanna' lako bangsa tangngia to-Yahudi, lako raja, na lako too to-Yahudi.

Matius 21:22

Apa to mipeta'da ke massambajang kamu', la diben kamu', ke matappa' tongan kamu'.”

2 Timotius 1:11

Puang Allataala nnangka'na' menjaji rasulu' na guru, la mpangpeissenanni joo Kareba Kasalamatan.

1 Korintus 10:11

Mangka ngasanmo joo jaji lako tuu lako tau tonna anu', la mpupangngingaran tolaen. Na ia toomo nadiuki' ngasan, dikua anna pakainga'ki', nasaba' wattu la cappa'nami tee lino.

Roma 9:21

Tantu ia to tomangtampa kurin elohna ia ntampai to kurin. Ia to sanglemong litak wa'ding ia natampa duang rupa kurin, mesa' liwa' ballo, na ia to laenna kassara'.

Yakub 3:18

Ia to panggaukanna to tompasikalino tau mpupembua kameloan.

Ibrani 11:4

Napassompanni Habel lako Puang Allataala to karoba la'bih melo na ia to karobanna Kain, sanga matappa'i. Susi too ia joo Habel napangpeissenan Puang Allataala kumua tomelo, sanga matappa'i. Manassa joo sanga natarimai Puang Allataala to karobanna. Masaimi matena Habel, apa susi kumua mangkada unapi tee too, sanga matappa'i.

Titus 1:5

Kupatorroko jio pulau Kreta, dikua ammujamai to parallupa diatoro' na la nnangka' tooko pekaamberan jamaa lan simesa'-mesa' kota. Ingaranni tee kupasananko, kumua

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Roma 1:13

Ee todipusile'to, parallu miissen kumua pembudamo' madoang male mati' la ssitammuan kamu', apa tuli den bang halangan. Madoangna' kumua na ia to jamanku' lako kalemi den assele'na. Susi to keassele'mo lako bangsa tangngia to-Yahudi jio kota laen.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Matius 7:7

Mangngajahhimi Puang Isa nakua, “Peta'dai lako Puang Allataala to miparalluinna, ammidiben. Angahhi to miparalluinna, ammiampa'i. Peta'dai ammidiben, susi to tomangdedek la ditimbakan bola.

Yahya 15:5

Aku'mo garonto' anggoro', na kamu'mo to tangkena. Ia to tomemmesa' sola Aku', na Aku' memmesa' sola ia, iamo la membua buda. Nasaba' ia ke te'da mimemmesa' sola Aku', te'da lalo mikullei mpugauk apa.