Yahya 15:11 - Alkitab Duri

¹¹ Kupauan ngasanmo kamu' tee, ammisamasannang-sannangna susi Aku'.

Yahya 15:11 Referans Kwoze

Roma 15:13

Puang Allataala Iamo rannummi. Dennaa upa' naben kamu' kamarioan sola kamasannangan, nasaba' mikatappa'i, na ia to Roh Allataala mpamawatang kaparannuanmi lako Puang Allataala.

Yahya 17:13

Na ia tee too la polemo' lako Ambe'. Kupau ngasanni tee tongkulan unapa lino, anna wa'ding liwa' masannang tuu lako taun-Ta' susi Aku' masannang.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

1 Yahya 1:4

Kiuki'ii tee kikua antapada ngasan mario.

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

2 Yahya 1:12

Gaja budapa to parallu la kupauan kamu', apa mbai la'bih melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

2 Korintus 1:24

Te'da kupassa kamu' to apa la mikatappa'i, nasaba' liwa'mo kamu' matappa' lako Almaseh. La kibalii mandamora kamu', ammila'bih masannang.

1 Tesalonika 5:16

La da'tan bang kamu' mario.

Lukas 15:32

Paralluki' mangmaroah-roah, nasaba' ia joo adimmu samannamo to mangka mate, apa tuo pole'mi. Mangkami ta'de, apa diampa'mi.’ ”

Lukas 15:9

Na ia ke naampa'mi, natambai to solana na bali bolana ratu, nakuanni, ‘Male kamu' mai, tamangmaroah-roah, nasaba' kuampa'mi to doi'ku' ta'de!’

Filipi 1:25

Na kamatapparan iamo tee kunii nnissenni kumua da'tanna' la mari'pih ssolan kamu' sola ngasan, ammisamatappa'-tappa'na lako Almaseh, misamasannang-sannangna too.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

Yahya 3:29

Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Lukas 15:5

Na ia ke miampa'mi, liwa' masannangmi ammisompoi pole.

Lukas 15:23

Mangkai joo too alai to anak sapin malompona migere'i. La kumandeki' mangmaroah-roah,