Yahya 15:10 - Alkitab Duri

¹⁰ Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 15:10 Referans Kwoze

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

1 Yahya 5:3

Mpakamoja' Puang Allataala battuananna nturu' parenta-Na. Na ia to parenta-Na te'dara masussa dituru',

1 Yahya 2:5

Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

2 Petrus 2:21

La'biran ora kenna danggi' pissen naissenni to pangngajaran pakkaeloran-Na Puang Allataala, na ia ke naissenmi apa cia' pole' omi nturu'i to parenta-Na Puang Allataala to mangka dipauanni.

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

Yahya 17:4

Mangkamo' mpakala'bihki' lan tee lino, nasaba' mangkamo' njamai to jaman tasuanna'.

Yahya 14:31

Apa la jaji ngasan susi joo, nasaba' parallu naissen tolino kumua mpakamoja'na' Ambe'. Iamo joo kupugaukki to sininna apa naparentanna'. Ikee, tamellele ntee.”

Yahya 12:49

Nasaba' tangngia pakkaeloran-Ku' kumangkada, apa ia to kupau, iamo to naparentanna' Ambe' to ssuana'.

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

1 Korintus 7:19

Naturu'i ba'tu tangnaturu'i joo atoran sunna', pada bang unai pada te'da bua'na. Ia to kaminang parallu, iara to nturu' parenta-Na Puang Allataala.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.

Yahya 10:18

Moi mesa' tau te'da nakullei nnalai sunga'-Ku' ke te'da kupuelohhi. Makuasana' mpangben sunga'-Ku', na makuasa toona' tuo pole'. Iamo tee to parenta kutarima jio mai Ambe'-Ku'.”

Yahya 14:23

Mebalii Puang Isa nakua, “Ia to tompakamoja'na', la naturu' to pangngajah-Ku'. La napakamoja' Ambe'-Ku' joo tau. La ratuna' sola Ambe'-Ku' lako to tonturu' pangngajaran-Ku', angkitorro mari'pih sola.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.