Yahya 14:15 - Alkitab Duri

¹⁵ Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 14:15 Referans Kwoze

2 Yahya 1:6

Sipakamoja' battuananna nturu'miki' parenta-Na Puang Allataala. Na ia to parenta misa'dingmo tommimane' matappa', iamo to kumua la da'tan kamu' sipakamoja'.

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Matius 10:37

Inda-inda to la'bih mpakamoja' tomatuanna na Aku', tangsipato' menjaji taung-Ku'. Susi toomi to la'bih mpakamoja' anakkana na Aku'.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

1 Korintus 16:22

Ia to tocia' mpakamoja' Puang, ake'mo ditampakki ropu! Maranata, battuananna ratumiki' Puang!

Efesus 6:24

Dennaa upa' nabarakka'i Puang Allataala sininna tau to mpakamoja' tarruhhi to Puangta' Puang Isa Almaseh. Padamo jolo' too. Sallangki' mati', Paulus.