Yahya 14:1 - Alkitab Duri

¹ Nakua Puang Isa lako anak gurun-Na, “Danggi' mimausa'. Matappa' kamu' lako Puang Allataala, mimatappa' too lako Aku'.

Yahya 14:1 Referans Kwoze

Yahya 12:44

Nnandongngii gamaran-Na Puang Isa nakua, “Ia to tomatappa' lako Aku', tangngia Aku' manda nakatappa'i, apa matappa' tooi lako Puang Allataala to ssuana'.

Yahya 6:40

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

Yahya 13:19

Kupauan jolomo kamu' tee tonna te'dapa najaji, na ia ke jajimi dau, matappa'mo kamu' kumua, Aku'mo to disanga Denna'.

Efesus 1:15

Iamo joo anna ia tongkusa'dingngi kumua matappa'mo kamu' lako Puang Isa, na sipakamoja' kamu' sininna umma'-Na Puang Allataala,

Yahya 12:27

Nakua Puang Isa, “Gaja liah penawang-Ku'. Apara to la kupau tee too? La kukuaraka, ‘Oo Ambe', pasalama'na' jio mai tee kamaparrisan’? Te'da, sanga iamo joo nasuanna' Ambe'-Ku', angkuratu.

2 Korintus 2:7

Na ia tee too, la midampanganmira, mipakatana tooi, anna danggi' namasse gaja penawanna kannoi ka'tu rannu.

Yahya 11:33

Ia tonna kitami Puang Isa to Maryam mbating sola to to-Yahudi nasolan ratu, massemi penawan-Na namaranna'.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 16:3

Napugaukki susi joo lako kamu', nasaba' te'da naissenni to Ambe', na moi Aku' te'da too naissenna'.

Yahya 16:6

Na la memmasse penawammi tee too, nasaba' kupauanmo kamu' kumua, ‘La polemo'’.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”