Yahya 13:8 - Alkitab Duri

⁸ Nakua Petrus ngkuan Puang Isa, “Oo Puang, danggi' lalo na Kita' mbaseanna' ajeku'!” Apa mebalii Puang Isa nakua, “Ia ke te'da kubasei ajemu, tangngiako taung-Ku'.”

Yahya 13:8 Referans Kwoze

Titus 3:5

Napasalama'miki', tangngia kumua mpugaukmiki' kameloan, sangadinna nasaba' pangkamasean-Na lako kita'. Nabaseiki' jio mai dosata' antadijajian pole', napemeloii to penawanta' mpake kuasan-Na Roh Allataala.

Jamanna Rasulu' 22:16

Jaji danggi'mo mubata. Ke'dehmoko, mupangpejioran kalemu. Meta'da tulungko lako Puang anna dampanganko.’ ”

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Kolose 2:23

Nasanga tau kumua melo joo atoran, nasaba' ia to tonturu'i dikita kumua tomangngagama, nasaba' mpamajiongngi kalena sola ssessa kalena, apa sitonganna te'da bua'na, napakeri mpasau penawanna.

Kolose 2:18

Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Matius 26:33

Mebalimi Petrus nakua, “Oo Puang, moi nasalai ngasanki' titi' mati', te'da kulassalaiki'!”

Matius 21:29

Napebalii anakkana nakua, ‘Te'da kumadoang.’ Apa mangpikkiri' pole'i joo pea, namenassan namale lako bara'bah anggoro'na.

Matius 26:35

Nakuamo Petrus, “Oo Puang, moi antapada mate, nang te'da kulampessakkanniki'.” Mangkada ngasanni to anak gurun-Na susi joo.

Matius 16:22

Nasarakki mesami Petrus to Puang Isa anna ta'tanni nakua, “Oo Puang, dennaa upa' napamambelai Puang Allataala joo la jaji lako kale-Ta'!”

Yahya 13:6

Ia tonna dete'mi to Simon Petrus la nabasei, nakuamo ngkuan Puang Isa, “Oo Puang, anna Kita' ora mbasei ajeku'?”

Yahya 13:9

Nakua omo Simon Petrus ngkuanni, “Oo Puang, Ia ke susii tuu, danggi' na ajeku' manda, apa moi limangku' sola ulungku'.”