Yahya 13:7 - Alkitab Duri

⁷ Mebalimi Puang Isa nakua, “Ia tee too te'dapa mupahangngi tee apa kupugauk, apa undinnapi mumane' mpahangngi.”

Yahya 13:7 Referans Kwoze

Daniel 12:8

Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’

Yahya 12:16

Ia joo wattu te'dapa napahangngi to anak gurun-Na Puang Isa joo apa napugauk tau. Apa mangkamira dipakala'bih to Puang Isa tonna dipatuo pole'mo jio mai kamatean, namane' nningaranni kumua, mangkami diuki' lan Sura' Allataala joo napugauk tau lako Puang Isa.

Yahya 14:26

Ia to Roh Allataala, to tomangpakatana, la nasua Ambe' ratu ssullena'. Iamo la nnajahhi kamu' to sininna apa napangngingaran pole' kamu' to apa mangkamo kupauan kamu'.

Daniel 12:12

La maupa' to tau tatta' matappa' na sabbara' arannai la mbulewanni to wattu 1335 allona.

Yahya 13:36

Mekutanai Simon Petrus lako Puang Isa nakua, “Oo Puang, umbora la tanii male?” Mebalii nakua, “Ia to la kunii male, te'dapa muwa'ding la male lako tee too. Apa keanu'ri mumane' undi lako Aku'.”

Yahya 13:6

Ia tonna dete'mi to Simon Petrus la nabasei, nakuamo ngkuan Puang Isa, “Oo Puang, anna Kita' ora mbasei ajeku'?”