Yahya 13:2 - Alkitab Duri

² Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:2 Referans Kwoze

Jamanna Rasulu' 5:3

Nakuanni Petrus, “Ee, Ananias, ammueloran bang ora kalemu nakuasai Ballisi', ammuuragara Roh Allataala, ssarakan buni kalemu sesena alli padangmu?

Pengkitanna Yahya 17:17

Napugaukki joo tanduk susi joo situru' pakkaeloran-Na Puang Allataala, nasaba' mangkamo nasede Puang la mpugaukki. Iamo joo napada mbenni joo olok-olok kamawatanganna sola kuasanna, anna ia mangparenta, sajajinna to apa napau Puang Allataala.

Efesus 2:3

Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

2 Korintus 8:16

Gaja mangkurru sumanga'kan lako Puang Allataala, nasaba' napamasumanga'i to Titus susi kami' ntulung kamu'!

Lukas 22:31

Nakuamo Puang Isa, “Ee Simon, ee Simon pesa'dingngii! Dieloranmo to Ballisi' ssedeko, susi gose' dirido nadita'pii, anna sisarak issinna na sowokkona.

Lukas 22:3

Mangkai joo too natamaimi Ballisi' joo Yudas to disanga too Iskariot, iamo sala mesa'na to sangpulo dua anak gurun-Na Puang Isa.

Yahya 13:4

Iamo joo namengke'deh Puang Isa naalaii to baju lando-Na, na nnala kaen lenan sanglambah napusa'wakki,

Matius 10:4

Simon tobarani, na Yudas Iskariot to undinna mpangpejokkoan Puang Isa.

Yahya 13:11

Naissen Puang Isa to tolampangpejokkoanni, iamo joo nakua kumua, “Maceromo kamu', apa te'dari mimacero ngasan.”