Yahya 13:16 - Alkitab Duri

¹⁶ La miingaran tee kadang-Ku' kumua, ia to mesa' kaunan te'da nala'bih matande na puangna, susi toda to todisua te'da nala'bih matande na ia to tossuai.

Yahya 13:16 Referans Kwoze

Lukas 6:40

Ia to mesa' passikola te'da nala'bih matande na gurunna. Apa ia ke tamma'mi melajah, la menjaji padami gurunna.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

2 Korintus 8:23

Ia tee Titus sangpangjamanku', to kusolan ntulung kamu'. Na ia joo padanta' tomatappa' dua nasolan Titus, iamo nasua jamaa inde' male mati'. Melo to sipa'na. Iamo joo napumala'bihhi Almaseh.

Filipi 2:25

Ia to sangpangjamanku' padanta' tomatappa' Epafroditus, to mangka misua ratu inde' ntulungna', kusanga parallu too kusua pole mati',