Yahya 12:5 - Alkitab Duri

⁵ “Ciapari ia joo minynya'-minynya' nate'da nadibaluk tallu ratuh dinar, na ia to allinna diben tokaasi-asi?”

Yahya 12:5 Referans Kwoze

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Yahya 6:7

Mebalii Filipus nakua, “Na moi dua ratuh dinar diallian roti tee tau pada budanna, te'dapa nalaganna' moi naditawai sisangti'pekra.”

Lukas 6:41

Ciapari mikitai to bulicak lan matanna padammi rupa tau, anna kaju sangbatang lan matammi te'da misa'dingngi?

Matius 20:2

Ia tonna sipatuimi to gajinna mesa' dinar sangngallo, nasuami mangjama jio bara'bahna.

Amos 8:5

Mikua lan penawammi, “Piranra ia la mangkanna tee pangramean ba'tu allo katorroan na gaja doangmiki' mbaluk pole' gandum mpake suka' tangtongan ba'tu mpakande dacing?

Matius 18:28

Ia tonna messunmo lan mai bolana raja joo kaunan, sitammumi padanna kaunan to dipaindanni saratuhra dinar. Natoemi natekkei joo solana nakuanni, ‘Bajah ngasanni to indanmu!’

Yahya 12:4

Apa den mesa' anak gurun-Na Puang Isa disanga Yudas Iskariot, iamo to la mpangpejokkoanni, mangkadai nakua,

Yahya 12:6

Tangngia tokaasi-asi natangngaran Yudas namangkada susi joo, apa madoangri mbokoi. Biasamo mboko doi' kasirempunan dianna lan sepu', sanga ia nnannai.

Yahya 13:29

Den tossangari kumua, mbai nasuai Puang Isa male nnalli kaparalluan la dipake pangramean iarika nnalli apa-apa la diben tokaasi-asi, nasaba' Yudas ntoe sepu' doi'.