Yahya 12:49 - Alkitab Duri

⁴⁹ Nasaba' tangngia pakkaeloran-Ku' kumangkada, apa ia to kupau, iamo to naparentanna' Ambe' to ssuana'.

Yahya 12:49 Referans Kwoze

Yahya 14:10

Te'daraka mumatappa' kumua Aku' memmesa' sola Ambe', na Ambe' memmesa' sola Aku'? Ia to apa kupauan kamu', te'da na Aku' bangra mpaui. Apa Ambe' to da'tan memmesa' sola Aku', Iamo mpugauk ngasanni to apa kupugauk.

Yahya 8:26

Budapa to wa'ding la kupau mpasala kamu', apa te'da kupugaukki. Apa ia to tossuana', wa'ding dikatappa'i, na ia to apa kusa'ding jio mai kale-Na, ia toomo kupau lako kamu' tolino.”

Yahya 5:30

Mpatarruhhi kadan-Na Puang Isa nakua, “Te'da kuwa'ding mpugauk apa situru' pakkaeloran-Ku'. Rra'tahna' kara-karana tolino susi to naparentanna' Ambe'. Maruruh to pangra'tah-Ku', nasaba' te'da naeloh-Ku', apa pakkaeloran-Na Ambe' to ssuana'.

Yahya 17:8

Kupauanmo kadan-Ta' to mangka tapauanna', na natarimamo. Naissen toomo kumua tonganna' topole jio mai Ambe'. Nakatappa'imo kumua Kita'mo to mangka ssuana'.

Yahya 14:31

Apa la jaji ngasan susi joo, nasaba' parallu naissen tolino kumua mpakamoja'na' Ambe'. Iamo joo kupugaukki to sininna apa naparentanna'. Ikee, tamellele ntee.”

Yahya 15:15

Te'damo kusanga kamu' kaunan, nasaba' ia to kaunan te'da ia naissenni to apa la napugauk puangna. Apa ia to kamu' kusangamo kamu' soba'-Ku', sanga sininna to apa mangka kusa'ding jio mai Ambe'-Ku', mangka ngasanmo kamu' kupauan.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Yahya 3:32

Napamanassamo to apa mangka nakita sola nasa'ding, apa moi mesa' tau cia' ntarimai to kadan-Na.

Yahya 3:11

Katappa'i, kipau to apa kiissen sola kipangpeissenan to apa kikitamo, apa te'da mitarimai.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Yahya 5:19

Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Yahya 7:16

Mebalimi Puang Isa nakua, “Ia tee pangngajaran kuajaran kamu', pangngajaran pole jio mai Puang Allataala to ssuana', tangngia pangngajaran-Ku'.

Yahya 8:28

Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

Yahya 14:24

Ia to tote'da napakamoja'na', te'da naturu'i to pangngajah-Ku'. Ia joo pangngajaran misa'ding, te'da napole jio mai Aku', apa pole jio mai Ambe' to ssuana'.