Yahya 12:28 - Alkitab Duri

²⁸ Oo Ambe' pakala'bihmi sangam-Mi!” Ia tonna mangka mpaui susi joo, den gamara jao mai suruga nakua, “Kupakala'bihmo, na la kupakala'bih unapa!”

Yahya 12:28 Referans Kwoze

Matius 26:42

Male pole' omi massambajang nakua, “Oo Ambe', ia ke te'da nalatilendok tee kamaparrisan jio mai kale-Ku', apa nang la kupassanni, pakkaeloran-Na Ambe' to jaji.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

2 Petrus 1:17

Nasaba' ia tonna lan unapa lino Puang Isa, den pissen kisola jao buntu, angkikitai to kamala'biran-Na sola kamatongkoan-Na to nabenni Ambe' Puang Allataala. Ia joo wattu den gamaran-Na Tomakuasa kisa'ding kumua, “Iamo tee to Anak kupakamoja' to mpamasannangna'.”

Efesus 3:21

Iamo joo, ia to kita' tomatappa', to memmesa'mo sola Puang Isa Almaseh, la mpakala'bih tarruhki' Puang Allataala te'da cappa'na! Amin.

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

Efesus 2:7

Napugaukki susi joo dikua anna pangpekitanni lako tolino to tuo lan wattu la dioloi lako kumua tangdikulle mpikkiri'i to pangpakamoja'-Na sola kameloan penawan-Na lako kita', nasaba' ia to napugauk Puang Isa Almaseh.

Yahya 18:11

Nakua Puang Isa ngkuanni to Petrus, “Pasibanuai tuu pa'dangmu! Nang la kuolanna tee kamaparrisan to napasadianmo' Ambe'.”

Yahya 11:4

Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Yahya 9:3

Mebalimi nakua, “Te'da na dosana tee tobuta ba'tu tomatuanna, apa dikua anna dipapajan to kuasan-Na Puang Allataala.

Lukas 9:35

Denmi gamara nasa'ding lan mai saleu' nakua, “Iamo tee to Anak kupilei. Pesa'dingngii!”

Lukas 3:22

namellao to Roh Allataala jao mai mangrupa jangan-jangan nta'paii. Namane' den gamaran-Na Puang Allataala disa'ding nakua, “Ikomo Anak-Ku' to kupakamoja', to mpamasannangna'.”

Markus 9:7

Ia joo wattu ratumi to saleu' mbombonnii sola ngasan, na den gamara nasa'ding lan mai saleu' nakua, “Iamo tee to Anak kupakamoja'. Pesa'dingngii.”

Markus 1:11

Nadisa'ding to gamaran-Na Puang Allataala nakua, “Ikomo Anak-Ku' to kupakamoja', to mpamasannangna'.”

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Matius 11:26

Oo Ambe', iamo tapumasannang.”