Yahya 11:51 - Alkitab Duri

⁵¹ Napaui Kayafas susi joo, sanga iamo Imang Lompo joo taun. Napau joloi kumua la mate to Puang Isa ssulle to-Yahudi. Mangkadai susi joo apa tangngia pikkirisanna.

Yahya 11:51 Referans Kwoze

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

Yahya 11:49

Den mesa' tau disanga Kayafas, iamo Imang Lompo joo taun, mangkada ngkuanni tuu lako solana, “Te'da kamu' apa miissen!

Yahya 18:13

Napangngoloi to Puang Isa jolo' lako Hanas, ambe' matuanna Kayafas. Na ia to Kayafas iamo Imang Lompo joo taun.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.