Yahya 11:42 - Alkitab Duri

⁴² Kuissen kumua tuli mipesa'dingngina', apa iara kumangkada susi tee, kukua anna matappa' tee tobuda inde' kusolan, kumua Ambe' tonganmo to ssuana'.”

Yahya 11:42 Referans Kwoze

Yahya 3:17

Nasuai Puang Allataala to Anak mentama lino, te'da anna la sessai to tolino, apa la napasalama'ri.

Yahya 17:21

Oo Ambe', meta'dana' ke wa'dingngi anna memmesa' sola ngasanni susi Ambe' na Aku' memmesa', na Aku' memmesa' sola Ambe'. Dennaa upa' namemmesa' sola Ambe', anna matappa' to sininna tolino kumua Ambe' to ssuana'.

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Ibrani 5:7

Ia tonna tuo unapa Puang Isa lan lino, massambajangngi napasibawai wai matanna to sarro-Na lako Puang Allataala to makuasa mpasalama'i jio mai kamatean. Natarima Puang Allataala to peta'dan-Na, nasaba' mpamajiongngi kalena na mangpesa'ding lako Puang Allataala.

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 17:8

Kupauanmo kadan-Ta' to mangka tapauanna', na natarimamo. Naissen toomo kumua tonganna' topole jio mai Ambe'. Nakatappa'imo kumua Kita'mo to mangka ssuana'.

Yahya 11:22

Moi nasusi joo kuissen kumua sininna to apa tapeta'da lako Puang Allataala, la nabenki'.”

Matius 26:53

Musangaraka tanglawa'dingna' meta'da lako Ambe'-Ku', naparatuanna' massa'bu-sa'bu malaeka' la ntulungna'?

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Yahya 11:31

Ia to to-Yahudi nasolan Maryam jio bola la mpakatanai, ngkita Maryam ta'pa ke'deh male, naundi toda messun, nasaba' nasangai kumua la malei lako liang nambating jio.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 8:16

Apa ia ke la Aku' mangra'tah, maruruh to pangra'tah-Ku', sanga te'da na Aku' manda mangra'tah, apa solana' Ambe' to ssuana'.

Yahya 11:43

Ia tonna mangkamo mangkada susi joo, nnandongmi gamaran-Na nakua, “Oo Lazarus, messunko mai!”

Yahya 12:11

sanga ia mpusaba'i nate'da namenturu' lako kapala imang to tobuda apa matappa' lakori Puang Isa.

Yahya 12:17

Buda tau to nasolan Puang Isa tonna tambaii to Lazarus messun lan mai liang anna patuo pole'i jio mai kamatean, male bang mpangpeissenanni joo kareba.